اداب_زيارة_المولود_الجديد 👶🏻 عشر نصائح ذهبية من قلب معاناة الأمهات الأبدية 😂 ١- لا تروحي اول يوم الولادة خبط لزق... اتصلي تاني يوم و خدي موعد للزيارة. ٢- لا تتحممي بالبارفان ولا تشربي نصف باكيت و تشرقي اركيلتين قبل الروحة، و ابدا ما تفكري تشربي سيكارة فوق راس الطفل الرضيع. ٣- لا تبوسي الطفل فالجراثيم قد تسبب له الامراض او حتى الوفاة اذا ما كانت مناعته قوية. ٤- لا تروحي اذا كنت مريضة؛ والله ما حدا بيعتب عليكي اذا اتصلتي و اعتذرتي. ٥- لا تصوري الطفل الرضيع الا بعد استئذان امه، و لا تنشري صوره على مواقع التواصل الاجتماعي الا بعد موافقتها. ٦- كوني خفيفة الظل و لا تعمليها زيارة بعمارة فالام حتما بحاجة للنوم اثناء غفوات صغيرها. ٧- لا تسالي الام اذا كانت ناوية تجيب بيبي تاني. اتركيها بحالها؛ و لا تستهوني وجعها باستخدام السمفونية الشهيرة "اي شبك القطة بتولد"!!!. ٨- اذا كانت المولودة بنت لا تواسيها للام و تقوليلا "الله يبعتلك صبي و معليش لا تزعلي اللي جابت البنت بتجيب الصبي..." البنت متلا متل الصبي و ما حدا زعلان من جية البنت بس اكيد بعد هالحكي الام رح تزعل من جيتك. ٩_ لا تنتقدي الاسم اللي اختارو، اذا ما عجبك احتفظي برايك لحالك، الناس اذواق و بعدين اكيد هنن ما اختارو اسماء اولادك. ١٠- اذا عندك نصيحة حلوة قوليها بدون ما تهزئي الام ووتتفهمني عليها... و لا تقضي الزيارة انتقادات على هيك بصير و هيك ما بصير. احترمي خيارات الام و قوانينها و الاسلوب اللي متبعتو مع طفلها، بلاها النصائح الذهبية تبع شيلي من ايدك هلق بيتعود عالحمل و عطيه صناعي و لا تعطيه لهاية و اللذي منو.