السلام عليكم.. ابشركم يابنات ولدت امس😥 .. وجبت بنوووته😙 الحمدلله على السلامه و الخلاص.. عقبال كل حامل تولد بيسر وسلامة .. بقولكم تجربتي .. نزلت سدادة الرحم يوم الخميس..بدون الم طلق يذكر .. ويوم الاحد الفجر نزلت معي شوي مويه ..وجلست امشي و اتحرك كثير ..مع الم محتمل .. رحت المستشفى بعد العصر جلست تقريبا ٥ ساعات.. قالوا مفتوح نص سم فقط ..😓 رجعت للبيت😕 وامشي شوي لان خلاص احس ما فيني طاقه بس اكل تمر ..و سوائل دافية. الفجر مسكني طلق لين العصر صار كل خمس دقايق او اقل.. رحت للمستشفى طيران وسحبت اختي الكبيرة معي🤣ابي احد يحس فيني.. كنت امشي شوي و اوقف من الالم .. المهم لما كشفوا علي قالوا مفتوح واحد فقط😭 وانا على بالي واصله حدي ..انصدمت وتحطمت لاني مابي طلق صناعي .. و سبحان الله الطلق خف عندهم صار كل عشر دقايق.. قالوا خلاص ارجعي للبيت😲وبعد 4 ساعات تعالي.. كنت بطلع بس زوجي واختي قالوا لا.. جلست امشي شوي عندهم.. على طول نص ساعه رجع الطلق ناااار خلاص احس البيبي بيطلع.. جت القابله تسوي لي تحريض وقالت فيه مويه باقي وانا مع كل طلقه كنت ادفع حتى وانا واقفه..ادفع .. ابي الموية تنفجر .. جلست تقريبا ثلاث ساعات .. بعدها الله يكرمكم رحت الحمام نزل مني قطعة دم وشي مثل زلال البيض بس احمر .. ناديت القابله كشفت قالت مفتوح 6 هللت وكبرت من الفرحة🤣😂 طلعوني لغرفة الولادة..خلاص صرخت من الالم احس بولد .. ونكبوني لا عطوني ابرة ظهر ولا ابرة عضل مع اني طلبتهم في ملفي.. حتى اكسجين ماعطوني ..حسبي الله عليهم.. وبدا البيبي يطلع ساعه الا ربع وانا ادفع .. والحمدلله ولدت واااااه حسيت اني قدمت خدمة للمجتمع😂 وسووا لي خياطه..وانا الان احدثكم من قلب الحدث.. وعجزت انام من فرحتي ..والله يسهل على كل حامل