هاد الحمل التاني وكان مقررلي طلق صناعي عالاسبوع ٤٠ رحت فحصت قبل بيوم فحص داخلي وطلع توسع٤وما كان عندي وجع ابدا.. الساعه ٣ الفجر بلش عندي تحجير بطن خفيف انام واصحى لحد الساعه ١٠ الصبح رحت المستشفي فحصتني وكان التوسع٥ ونص ما كان وجع متل ولادتي الاولى بس تحجير ووجع خفيف محتمل.. اعطتتي حبه دوا لتليين عنق الرحم وصارت تعملي تحريض ونزلتلي ميه الراس بعدها صار الوجع يزيد بطلت اتحمل صار كل عشر ثوان صرت ابكي من الوجع وطلبت ابره الضهر .. راحو ينادو طبيب التخدير بالمستشفى وحكولي عنده تخدير لعمليه كمان شوي بيجي . طبعاً وانا مش قادره اتحمل الوجع وابكي بس ما صرخت ابداً حضروني لحتى اخد ابره الضهر واجت الدكتوره عملتلي فحص داخلي طلع ٧ ونص وصار نبض الجنين يخف والحبل السري نزل تحته صارت تنادي اطباء الولاده وحكتلي لازم تدفعي بكل قوتك ازا ما طلع بنحولك عمليه لانه البببي بعيد .. وانا بحكي بدي ابره الضهر وهي تحكي ما في مجال معنا لازم تدفي يلا صرت ادفع وادفع بكل قوتي واسمع الدكاتره بحكو مستحيل لا لازم عمليه هون انا خفت من العمليه. وصرت ادفع اكتر واكتر كل ما تيجي الطلقه يحكولي يلا ادفعي وتعملي توسيع بايدها لحد مابين الراس وطلع البيبي الحمد لله .. حطولي اياه عصدري وانا ابكي من الفرحه الحمد لله ما اخدت لاطلق صناعي ولا ابره الضهر عال١٢ وربع كان منوّر حياتنا اميري الصغير (زين) ولاده سريعه الحمد لله ..