العضوة: 713180 , 5 years ago

@user-286236 ماشاء لله تبارك الرحمن انا والله انحرجت كل من كلمني يقولون الوعد اذا ولدتي 😊 قلت الله يحييكم بس بدون سلام 😂 السْلآم من بعيد الله يحفظكم 😂 كيف طريقتك في الشوفان والتمر انا احس كاني اول مره اولد 😔 لاني امي الله يشفيها ماكانت تخليني اشيل هم شي بس الحمدلله على كل حال😭 دعواتكم لها

العضوة: 286236 , 5 years ago

الله يشفي اميمتك و يخليها لكم يارب اللي يقول الوعد اذا ولدتي قولي الوعد ان شاء الله اذا زال عنا هالوباء ان شاء الله ابد لاتستحين انا ثلاث مرات ولدت في بيتي ومااستقبل لا في كورونا ولا غيره شكرا هههههه لاتستعجلين في كلمة الله يحييكم و تدقين الصدر خصووووصا وانتي في بيتك نصيحة من مجرب بجد تعب حتى لو عندك عاملة اما بالنسبة للتمر... افصص التمر مثل الخلاص او السكري المكنوز و اضيف له سمن وطحينة سايلة وسمسم محمص و حبة سوداء ومكسرات 😍 و اقطعها.. كل قطعة مقدار حصة و احطها في كيس تغليف واخليها في الفريزر.. كل مابغيت طلعت حصة الشوفان ياااكثر الوصفات بيوتيوب بس شخصياً احبها بدون تمر لأني مسويه اساسا مربعات التمر اخلط شوفان هناء مع قرفة ومكسرات محمصة و توت مجفف وحبوب القرع والشيا كل اللي تحبينه اخلطيه وعشان يتماسكون زبدة الفول السوداني و عسسسسل ياعسل بعضهم يضيفون زبدة و تمر عشان تتماسك أكثر وشوفي باليوتيوب طريقة الرص و الضغط وقطعيها بحجم حصة احتياجك اليومي وغلفيها وعلى الفريزر ومدام فصصتي تمر خلاص سوي محلى.. عصيدة التمر بالدقيق البر و عبيها في اكياس كل كيس حصة وعلى الفريززررر انا كذا اجهز لنفاسي مااعتمد على احد نهائي وفيه أظرف مغلي الكراوية.. نوع مم الحلويات الشامية تشبع ومفيدة ومدرة للحليب تلقينها في محلات المنتجات الشامية او الرفاعي تفك زنقة شوربة بكيتات تضيفين لها مويا حارة وتصير جاهزة بررررضوه تفك زنقات اخر الليل في شنطة المستشفى احط من مغلفات التمر و الشوفان اللي سويتها و ظرف شوربة و ترمس صغير عشان يعبون لي فيه مويا حارة و مجموعة اعشتب النفاس احطها في علبة صعنونة مثل يانسون و حلبة و شمر وسويت خبز بز بالشمر و الحبة السوداء والسمسم و اليانسون و قطعتها كل حصة في كيس وعلى الفريزرررر حلوة مع مرق اللحم مثلا تغميسه مثل الفته.. او مع الموز مثل المعصوب او مع حليب دافي بالعسل فيه افكار كثيررررر نقدر نتبادلها و نجهز فترة نفاسنا ونقضي فترة التاسع بدون تفكير مشغولين بالتحضير

العضوة: 713180 , 5 years ago

@user-286236 ماشاء لله عليك لاقوة الا بالله الله يعطيك الف عافيه ماقصرتي تسلميلي والله ذكرتني بولادتي الأخيره عقب ماولدت بغيت اموت من الجوع لاني مو ماكله من قبل ولادتي يمكن 28 ساعه فلما ولدت صرت اصيح اقول جوعانه ماجابولي الا توست بجبن وحليب بارد ماشربت الحليب بس كليت التوست وجلست جوعانه حيل واحسن مافيه اني مسويه التمر اللي بالرشاد وحاطه معاي 7 حبات واكلهم وبرضو جوعانه 😂😂😂😂

العضوة: 784420 , 5 years ago

@user-286236 يا اختي ما ادري احس صعبه اقول لاتجون بذات الخالات العمات بناتهم واهل الزووج .... وغير كذا تنبسطين باللي يجونك تغيرين جو سوالف النفاس كئيب وتعب حلو تطلعين من موده شوي

العضوة: 784420 , 5 years ago

بنات وش عنايتكم وانتم حوامل وش تسون ماتسون عطونا سوالفكم انا توي بثاني اخذ قطنه واحط سكينول وامسح رقبتي فيهاا وارطبب جسمي قد ما اقدر (( جولسيد زيت اللوز )) والبطن ومنطقه حساسة زيت بايو اويل ويارب استمر ما اتكاسل

العضوة: 713180 , 5 years ago

@user-784420 انا عن نفسي استخدم غسولي والمرطب لوجهي اللي استخدمه قبل حملي اما جسمي فاستخدم كريم الببايا مع زيت الجلسرين وزيت اللوز المر اخلطهم واحط بعد كل شور والمنطقه الحساسه بعد الشور والغسول المخصص احط سودو مع زيت اللوز اخلطهم وشوي من زيت الجلسرين وادهن فيها والله يسهل يارب << كثير يمدحونها هالخلطه انا صايره احطها لاني ابتديت اسمر ومو اي اسمرار😭

العضوة: 784420 , 5 years ago

@user-713180 حلو ما شاء الله اهم شى نستمر ما نتكاسل اي سمعت عليها مدح هالخلطة واذا على اسمار عدي كلف حمل بعد الولادة ترجعين زي قبل بس مع العنايه يخف كثر ونتائج افضل انا ارقبتي واباطي تقلب سمراا مرررة اقرب ل سواد كانها وسخه وترجع بعد الولادة بس المرة ذي قلت بأهتم من بدري

العضوة: 713180 , 5 years ago

@user-784420 جبتيها انا اول مره يصير معاي كذا 😂 مناطق عن مناطق بس الحمدلله فيه تناسق بالألوان يعني اعضاء نفس اللون واعضاء سوداء 😂😂😂 الحمدلله اهم شي الأخلاق وربي يتمملنا على خير

العضوة: 286236 , 5 years ago

هي تعتمد على شخصيتك و علاقاتك العائلية وظروفك انا بالنسبة لي مناسب جدا اني مااستقبل مع ملاحظة ان هذي الزيارات تتعبني اذا بستقبل و أجهز ضيافة خصوصاً ان أهلي واهل زوجي في مدينة ثانية متخيلة كيف بيكون الوضع لما استقبل وانا لحالي بالبيت؟ 😅 و في وضع كورونا بعد مو مناسب إطلاقاً اني استقبل.. خصوصاً ان زوجي يعاني من مرض مناعي صعب اني احطه و عيالي و نفسي و مولودي تحت خطر إستقبال ناس! اما تغيير جو نفس الشي يعتمد على شخصيتك.. يمكن انتي من النوع اللي يستأنس بالناس انا من النوع اللي ارتاح بالعزلة اذا تعبانه لحد مااشد حيلي و اقوم بنفسي وعلى فكرة الأغلبية العظمى من اللي ولدوا هالفترة مااستقبلوا احد.. من اللي يخافون على أنفسهم طبعاً

العضوة: 784420 , 5 years ago

@user-713180 هههههههههههههههههههههههههههههههههههههههههههههههههههههههههههههههههههههههههه الله يسعدك ويتمم لك على خيرر

العضوة: 784420 , 5 years ago

@user-286236 فعلا هو على حسب شخصية الوحده وظروفها الله ييسر امرك ويتمم لك بخييير

العضوة: 286236 , 5 years ago

جميعاً يارب ❤️

العضوة: 678255 , 5 years ago

كيفكم يا بنات اخباركم طيبين

العضوة: 713180 , 5 years ago

@user-678255 تىام الحمدلله انتي كيفك

العضوة: 776571 , 5 years ago

يعطون ابرة ظهر للبيبي الثالث ؟