العضوة: 153753 , 7 years ago

عادي باول كم يوم من الولادة هاي هرمونات لسا ما طلعت من جسمك كاملة كرمال هيك راح تشوفي فرك و بكاء و حزن كله بيوم واحد أو حتى بساعة و حدة اهم شي تخلي بنتك جنبك و تشوفي الطرف الحلو من الولادة و ان شاء الله كل شي يروح و اذا لا سمح الله بقيتي على هاي الحالة أكثر من اسبوعين او ٣ الاحسن تشوفي دكتور نفسي حتى تبدائي بالعلاج الصح

العضوة: 194466 , 7 years ago

@user-153753 نشاء الله تكون القصة عادية بس وقت طلعت من الولادة دغري بلشت ابكي الكل كتير ستغرب وفكرو صاير لبيبي شيئ بكيت بطريقة هستيرية ومابعرف ليش هيك صار

العضوة: 142756 , 7 years ago

يمكن عندك نقص فيتامين دال حللي عنه ، لان بسببه يصير الاكتئاب

العضوة: 153753 , 7 years ago

@user-194466 لا كل شي عادي، انا طلعت من الولادة و رحت على غرفتي و زوجي حرام مد رجله على تختي سالته ليش مديت رجلك و عطول بكيت. بس اتذكر مواقف البكاء أضحك عليها

العضوة: 194466 , 7 years ago

@user-142756 عملولي كل تحاليل بلمشفى وماعندي اي مشكلة ابدآ لحمد الله

العضوة: 194466 , 7 years ago

@user-153753 والله وانا صايرة هيك بلأخص ان ولادتي كانت صعبة وتعسرت كمان لهيك كلما اتزكر ببكي ربي يكتبلنا اجر يارب

العضوة: 153753 , 7 years ago

@user-194466 مثلي انا كمان ولادتي اتعسرت بس الحمد لله و انا كان عندي سكري الحمل و على انسلولين و طلق اصطناعي، يعني ايدي اليسار و اليمين كان فيهم أوبر و بضهري ولا قدرت اتحرك و منعو عني الاكل في حال العملية لا سمح الله و دقات قلب بنت كانت ما بين ال ١٨٠ و ما فوق و طلبو عمليه و انا رفضت و فجاء صار عندي اختناق بسبب كل المواد السائلة الي تفوت بجسمي من كل الجهات و غرفتي صار فيها أكثر من دكتورة و حتى رئيس الأطباء بأقل من دقيقة وحدة و كلهم يعرفو عن نفسهم و يقترحو إقتراحات و انا ابكي بكاء مو طبيعي من خوفي ولسا صار اشياء كتير بس الحمد لله بالاخير ايجيت الاميرة بنتي بعد عناء طويل.. يعني الي يشوف مصيبه غيره تهون عليه مصيبته 😀😀 ان شاء الله فترة وتعدي خليكي قوية لانو في طفل صغير محتاجك جنبه ولا هوا طفلك

العضوة: 194466 , 7 years ago

@user-153753 والله وانا دخلت المشفى لئنو ماء جنين تسرب وحطولي طلق صناعي نزل راس بنتي على عنق رحم وماتمت الولادة لهيك عطوني ابرتين بلوريد وتحميلة بعدما فقعو ميت راس والم كان مضاعف عشر اصعاف لحد اني كنت عم يغمى علي بين طلقة وطلقة ووقت الطلقة كنت استفرع وبوقت الولادة بعد مامتت من دفع ماطلعت ضغطو عبطني لحد كنت راح اختنق وبعدها طلعت بس علق كتفها لحتا طلع والله متت وبعد ماطلعت بعد كلهل تعب مابكيت كان راسها كتير معصور بعنق رحم بكيت بعد كم دقيقة وبعد الولادة صار معي اختلاطات اول ما جربت وقف بعد حوالي ساعة اغمى علي وبعدها رجعت جربت وقف ماقدرت هاد غير الطلق بعد الولادة مع ان مستحيل يصير طلق بعد الولادة للبكر بس انا مستمر معي من اربع ايام والله بيجيني مغص بحس اني راح اولد من الوجع 😭😭 كان بدي ولادة سهلة بس ربي ماكتبلي

العضوة: 138323 , 7 years ago

@user-194466 سوزي اذا مو ناقصك شي واهلك وزوجك حواليكي لي عم تفكري ولي تحسس الكبير يلي صاير معك انبسطي ولا تفكري كتير أن شاء الله كلو خير وبعدين بنوتك بتحس بلي عم بتحسيه هيك هي ما راح ترضى ترضع منك اعطيها غصبا عنا وراح تتعود وتحس بحنانك

العضوة: 153753 , 7 years ago

@user-194466 الله يساعدك فعلا ولدت عسيرة المهم انتهت على خير يارب هلق حاولي تشوفي الطرف الإيجابي. و دعيلي هاذا الحمل يتم على خير لأني كتير خايفية

العضوة: 196881 , 7 years ago

@user-194466 انتي كنتي متمنيه يجيكي ولد....

العضوة: 132659 , 7 years ago

شغلي سورة البقره بغرفتك انتي وبنتك واقري اذكار المساء والصباح واكثري من الحوقله والاستغفار الا بذكر الله تطمئن القلوب ♥️

العضوة: 194466 , 7 years ago

@user-138323 والله عم اعطيها دائمآ بس بتبكي كتير وكئنها بتخاف من صدري وانا والله مستعدة موت كرمالها وكمان صح الكل جنبي بس مخنوقة والله انا موهيك انا طول الوقت ضحك ومزح حتا وقت الولادة بلبداية كنت عم امزح وضحك بس بعد ماولدت صرت شخص تاني

العضوة: 194466 , 7 years ago

@user-153753 ربي يتمملك على خير ويجعلها ساعة سهلة يارب

العضوة: 194466 , 7 years ago

@user-196881 لا انا كنت بدي بنت ولحمد الله ربي ماخيبني الف حمد وشكر