العضوة: 240701 , 7 years ago

@user-228825 حبيبتي افضل شي للتشققات زيت الزيتون كل يوم ادهني بطنك فيه باذن الله ما بتشوفي التشققات كتير ناس مجربتها وكتيى ناس راحت لمنتجات كيماويه وغاليه وما استفادت

العضوة: 228825 , 7 years ago

ممتاز حلو بدهن زيت .كنت ناوية استخدم زبدة الشيا ، بس الزيت متوفر عقبال لما يكبر البطن ونشوف التشققات🙂

العضوة: 244677 , 7 years ago

كيفكم بنات انا متأخره بالحمل خمس سنين ممكن تفهمونني موضوع الحقن المجهري وهل اقدر اسويه بالمستشفى العام ولا خاص ممكن تفيدوني اخواتي قبل اسبوع حللت انا وزوجي انا سليمه زوجي نسبه التشوهات 80% الحركه 15% الدكتوره يقول تحتاج زياده 10وتصير تمام اللزوجه مرتفعة عنده والدكتور قاله ترجع بعد شهرين

العضوة: 228825 , 7 years ago

آمين يارب حبيبتي 😘

العضوة: 228825 , 7 years ago

ياسمين صح تذكرت علامة أكدت لي نجاح العملية بس مو شرط مع الكل ، نزل شعرات دم وردي خفيفه في اليوم التاسع من الإرجاع استمرت هيك من العصر لليل واختفت لونها وردي فاتح

العضوة: 228825 , 7 years ago

الحمد لله كيفك انتي العملية هاي ما بفهم فيها متل الدكاترة لما تروحي عيادة بشرحولك بالتفصيل أنا لأنه من كم سنة رحت نسيت تماما شو كانت الخطوات بالبداية بس السنة هاي كان عندي عملية ارجاع للأجنة المجمدة أما مشوار الابر والتلقيح هاد كله قبل سنين، وأنا متأخرة بالحمل خمس سنين متلك وحكولنا الاطباء مافي غير هاي العملية الامل الوحيد مشان نجيب أطفال، بدها صبر وتكاليف وربك ييسرها معاكم عموما همه بختارو افضل الحيوانات المنوية وافضل البويضات بعد التنشيط وبلقحوهم ثم بزرعوهم بالرحم بعد الدورة ب١٥ يوم

العضوة: 240701 , 7 years ago

@user-244677 اول شي ربي يكرمك ويطمعك الذرية الصالحة وما يحرمك منهم حبيبتي الحقن بكون بمراكز خاصه باطفال الانابيب حسب البلد اللي انتي منها بتاخدي تحاليلك وتحاليل زوجك وبيمشو معكم على برنامج علاجي وبيزرعولكم لعلاج زوجك كتير منيح عسل النحل مع غذاء ملكات وحبوب لقاح وحبة البركه فيها بركه من اسمها والمكسرات مع العسل وشرب المي كتييير منيح وانتي اشربي ميرميه وبرقدوش بزيدو التبويض عندك وباذن الله بساعدك ع الحمل وبلشو خدو فيتامينات انتي وزوجك وكلو سمك كتير منيح خصوصا السلمون لانه فيه نسبه اوميغا ٣ عاليه

العضوة: 228825 , 7 years ago

ممكن حالتكم ما تحتاج عملية وتتحسن بالادوية والعلاجات

العضوة: 240701 , 7 years ago

@user-228825 ههههه ان شاء الله حبيبتي الله كريم

العضوة: 244677 , 7 years ago

@user-228825 الحمدلله تمام والله ماافهم بالمواضيع هذي لكن اسمع كثير عن هالمواضيع ولا قد فهمت شي

العضوة: 244677 , 7 years ago

@user-240701 اللهم امين حاليا زوجي على الفيتامينات والحلبه المطحون والمكسرات بالعسل انا قالت لي الدكتوره اذا تحسن تحليل زوجك اعطيك منشطات وان شاءالله خير ننتظر تتحسن النتائج انا من السعوديه

العضوة: 244677 , 7 years ago

@user-228825 ايوه الدكتور يقول شغلتكم بسيطه وان شاءالله خير واحنا احسن من غيرنا من ناحيه النتائج لكن اللي مخوفني نسبه التشوهات عندي امل احمل بعد تحسن النتائج

العضوة: 228825 , 7 years ago

ممكن التشوهات من ارتفاع السكر او سبب تاني اذا عرفتوه خلص بتعالج والحالة بتتحسن الله يرزقكم يارب ولا يحرمكم الذرية الصالحة

العضوة: 240701 , 7 years ago

@user-244677 اهلا وسهلا حبيبتي ربنا كريم الله يعطيكم حبة البركه مع العسل كتير منيحه والعسل وحبوب اللقاح وغذاء الملكات بزيد العدد والحركة باذن الله وعندكم ماء زمزم ضلو اشربو واقرأي عليه القره والمعوذات وصديقني الدعاء الدعاء الدعاء والاستغفار ومناجاة الله هي حل كل مشاكل الانسان بس احنا ما عنا حسن ظن ولا يقين بالاجابة توكلي على ربنا وارمي حملك عليه وقولي يا رب ربي يطعمكم الذرية الصالحة قريب وعاجل الايام

العضوة: 240701 , 7 years ago

@user-244677 لا تخافي النسبة ما بتخوف طالما في ٢٠ نسبتهم كويسه امشو ع العلاج وان شاء نسبه التشوهات بتقل والعدد بزيد وبتحملي هيك من ربنا