ولله الحمد ما اخذ ربي الا واعطى خير مما أخذ له الحمد وله الشكر وله الثناء الحسن وبعد طول انتظار ولدت ولله الحمد في 22/شعبان وجبت ولدي خالد اسأل الله ان يجعله من الصالحين البارين ولادتي كانت صعبه وكانت عسيرة لكن ايقنت انه كلما كانت الولادة متعسرة ..كلما كان المولود جميلا قصة ولادتي .. جاني الم بالليل ع الساعة 12 كان الم محتمل .. وعادي تحملت وقلت انو اكيد طلق كاذب لما جت ع الساعة 3 اشد وقلت لا اكيد انو مو ولاده لانو مو منتظم ... رحع ع الساعه 5 الصباح وكان جدا شديد صحيت زوجي و رحت المستشفى فحصت قالت مفتوح الرحم 3 سم قلت كل ذا الالم وبس 3 سم قلت اجل بطلع واذا زاد الالم جيت قالت لا مير انتي ولادة قلت لا وجتني ضيييقه اعوذ بالله كنت ابكي ودموعي ما كانت توقف استودعت الله زوجي وعيالي ورحت واتفاجى انها ودتني جناح الولاده ... قلت ليه قالت انتي ولادة الله وكيلكم .. واجلس هناك ويدخلون الحريم يولدون ويطلعون وانا جالسه بذا المكان واي اخد يسألني وش فيك ما اقدر ارد لكن ابكي وعلى ذا الحال من الساعة 5 الفجر الى 4 العصر طلعوني على جناح التنويم العادي كلمت الدكتورة قلت لها بطلع اصلا انا اختفى مني الالم ما عاد احس بشي قالت ممنوع ولا على مسؤليتك ممنوع جا زوجي زيارة ساعة 6 المساء وجلس معي الى الساعه 8 لبست عبايتي قلت بطلع معك فيني ضيقة مابي اجلس .. ويحلف ان يزعل ان طلعت وتزيد علي الهموم وطلع وخلاني ع الساعة 10جتني دكتورة اللي كنت اتابع معها قلت تكفين يا دكتورة سوي لي خروج انا مابي اجلس قالت تحسين بالم قلت ايه بس عادي اقدر اتحمله قالت بفحصك اذا زي ما هو بطلعك اذا زاد لا ولما فحصت قالت مفتوح 6سم هنا دموعي من الفرحه صارت شلال قالت يلا على جناح الولادة كنت رايحه وانا كارهه مجرد ما وصلت الجناح قلت بمشي شوي الا ونزلت مويه الجنين ساعه وحده وحمى الطلق وفتح الرحم 10 سم لكن المصيبه الجنين ما نزل في الحوض ضلوا ما يقارب الساعه وهم يراقبوا نبض الجنين بعدها طلب الدكتور تحويل للعمليات صاروا يجيبوا اوراق ويبصموني في لحضة نزل الجنين بالحوض وطلع راسه الدكتور يقول .. هذا لطف الله احاط بك كان بينك وبين العملية شعرة .. والحمدلله صرت ادف تقريبا 5 مرات وطلع حبيبي وروحي الله يخليه لي ويرزق كل محروم بالذريه ويهون على كل حامل يا رب