السلام عليكم ورحمة الله وبركاته الحمدلله حمداً يدثرني عمقاً حتى يرضى فأرضى الحمدلله على تباشير افراحي وعسري حين ينفرج وأنتهت رحلة وهن على وهن ، لك الحمد والشكر ربي على جزيل عطاياك .. رزقني بأجمل ملاك أنثوي اسميتها ( غند ) ولدت 16 / ابريل/ 2019 11/8/1440 ولدت في بدايه الاسبوع 42 ، بعمليه قيصريه ثانيه 💔 الطلق معاي بارد جداً والجنين مانزل للحوض ولايقدرون يعطوني طلق صناعي بسبب ولادتي الاولى قيصري الفرق بين ولاداتي 4 سنوات 💔😭 كنت متأمله كثييييييير بالطبيعي بس دعييييت ربي كثير يختارلي ولا يخيرني وصليت استخاره مرتين بين ربي يسهل ولادتي بين الطبيعي والقيصري توجهت للطوارىء دخلت فحصوني فاتح رحمي 2 سانتي عملت لي تحريض قالت بعد 5 ايام اذا مازاد الطلق ترجعين نزلت معي السداده المخاطيه مع دم بني لمده يومين مع تقلصات كل 3 ساعات ويومين ينزل معي افرازات صفراء مع الآم بالظهر والبطن كل 4 ساعات اليوم الخامس ذهبت الى الطوارىء مره ثانيه الطلق بالجهاز يوصل 70 بس ما احس بحرارته بارد جداً علي وراس الجنين مانزل بالحوض عملت لي تخطيط وقياس للحوض سليم ويناسب الطفل ينزل لو فيه طلق قوي 💔 حولوني اخذ اشاعه ثلاثيه فطلع وزن الجنين زايد فوق 4 كيلو قالوا مانقدر نصبر اكثر من كذا الجنين يكبر زياده طلعت رحت للبيت صليت ودعيييييييت ربي كثير كثيررر وطول يومي اردد يارب سهل علي امري واختارلي مما فيه خيراً لي ولجنيني رجعت من بكرا للدكتوره وحددت لي موعد العمليه من بكرا وبدا الخوووووف من العمليه لاني اخترت بنج نصفي اقل متاعب وبكييييييت بكييييت كثير وارسلت لي اختي ايات السكينه اقراها وقريتها كثير وارتحت وتوجهت للمستشفى الاثنين الساعه 12 صباحاً تنويم والساعه 9 دخلت العمليه وعطتني اختي بالجوال ايات السكينه اسمعها وفعلاً راح الخوف وهدييييت كثير وبعد شغلت سوره البقره وجلست اسمعها ودخلت غرفه العمليات وانا اردد اللهم انزل السكينه علي قلبي وروحي اللهم صل وسلم على نبينا محمد طلبت منهم يركبون لي القصدره البوليه بعد البنج وفعلاً بعد ماعطوني ابره الظهر كانت بسيطه جداً وغير مؤلمه على طول ركبو القصدره ماحسيت وركبوا الستار بيني وبينهم وسمت بالله الدكتوره وقالت لي ادعي واقري قران بسسسسسس ايششششش اول مابديت قالي دكتور التخدير تحسبن باللمس بس ماتحسين بالالام واصرخ اقووول لا لا دكتور انا ماتخدرت احس فيهم وقفهم قال مستحيل يامدام اتعوذي من ابليس قلت احس بكتمه فعلاً انكتمت وعطاني كمامه ريحتني كثيرررررر وحسيت بغثيان وكاني باستفرغ وعطاني شي بالوريد ثواني وسمعت صرخه بنتي وصارت عيني عليها ونسسسسيت العمليه وعالم العمليه جابوه كانت تصيح وسكتت اول ماحطوها علي بكيييييييييت بكل مافيني ذكرتني الدكتوره قالت احمدي الرب واشكريه بهذه اللحظات وجلست ابوسها خلوها 10 دقايق على صدري وهي ساكته وانا اردد الحمدلله الحمدلله على عطاك يارب الحمدلله والشكر مجرد ماشلوها رجعت تصيح خلصت الدكتوره فتحت الستار وباركت لي وجميع الطاقم باركولي بدت فيني رجفه باكتافي وايديني وصدري واسناني تهز من البرد عطني ابره خففت الرجفه شوي وغطوني بدبل بطانيه وطلعوني الافاقه يراقبون الضغط والقلب والنزف الحمدلله وانا بالافاقه ارسلت لاختي اللي كانت معاي بالمستشفى قلت طلعت بالسلامه واتصلت لامي وزوجي وبشرتهم فالحمدلله يارب راضيه كامل الرضى عما كتبه الله لي ، كل الشكر لجميع اخياتي اللي دعوا بتسهيل ولادتي احبكم في الله وعسى ربي يرزق كل محرومه ويسهل ولاده كل حامل يارب .. تعبت وانا اكتب حبيت تشاركوني بشوي من اللحظات اللي عشتها لاني انا كنت اعيش معكم لحظاتكم دعواتكم اقوم بالسلامه ويصلح لي ربي ماعطاني ويخليهم لي ❤️❤️❤️