السلام عليكم ورحمة اللّٰه وبركاته كيفكن بنات ابشركم مبارح ولدت الظهر بس الحمد لله بعد ألمممممم ومعاناة ماتخيلتها..رح قلكن قصتي انا من حوامل7فبراير وعندي طلق صرلي اربع ايام مع يوم الولادة.. ماكان الرحم فاتح الا 1سم..لما رحت بعد معاناة طلق 3ايام قالولي فاتح 1سم ومافي ولادة صرت ابكي بالشارع..وقلت مارح ارجع ع البيت بدي روح ع غير ورحت فعلا وقالولي عندك ولادة حرام ترجعي للبيت هون ارتحت..وظليت اطلق لحتى دخلوني الساعة 3بالليل وحطولي جهاز تخطيط الجنين والطلق..المهم بلش الالم يقوى ويقوى لحتى وصل لحد ماطيقه وصرت قول للدكاترة ماعاد بدي طبيعي بدي قيسري وماكانوا يردوا عليي تصوروا اللي كانوا مجهزات معي بالغرفة للولادة صاروا يجو حوالي ويشدوا ع ايدي تعاطفوا كتير معي لما شافوا جهاز قياس الطلق عندي يوصل لاخر قياس اللي هو100 حتى الدكتور لما قلي الرحم فاتح2ونص وشاف قياس الطلق قلي بدك تبقي هون لان الطلق قوي..المهم بالنهاية شلت جهاز التخطيط وصرت نادي الولد رح ينزل وفعلا تجي طلقات تغصبك انك تكبسي الولد لتحت..وفعلا لما اجت الدكتورة كشفت قالت في ولادة واخذوني لغرفة التوليد وولدت الحمد لله الساعة12 الظهر.. وفعلاً يابنات لماتشوفي ابنك تقومي بدك تتذكري الالم ماتعودي تتذكريه..تحسي الدنيا ماعم توسعك من الفرح.. الله ييسر عليكم مابدي خوفكن طبعا بس كان المغزى انو قلكن اشتغلوا ع قضية فتح الرحم مو الطلق..لان الطلق يجي يجي.. ربي يحفظكم