السلام عليكم كروشاات زي مو شايفين الموضوع بتكلم عن الولاده والبكريات خاصه هذه الكلمه عندهم زي كلمة الموت.. حبيبي اذا جتك الولاده او اي اعراض منها استرخي خذي نفس استغفري واعرفي انو كل الحريم جربوا اللي انتي جالسه تحسي فيه ولا ماتوا الحمدلله لا وقاعدين يخلفوا ووصلوا بعد 10 خلفات😂ماشاء الله.. شيلي شنطتك اللي مجهزتها لك وللبيبي وهذه يبغى لها موضوع سبشل .. بهدوء وكل استرخاء لاتتوتري وتوتري زوجك واللي معك مري ع المطبخ واغلي لك مويه وحطيها بالثلاجه او الترمس او الزمزميه او اللي تسموه المهم وحطي ملعقه كبيره يانسون مغسول من الاتربه وحطيه ع طول فوق المويه مايحتاج ينغلي وشوي عسل عليه للتحليه وخذيها معاك ولاتنسي الكاسه من التوتر تروحي وتخليها😭😂😂😂 وكمان تمر لبعد الولاده حيجيك جوع انما ايييه وانتي رايحه للمستشفى قولي انا رايحه اجيب ضيف جديد علينا اجيب طفلي واخيرا يكون بحضني وقدام عيوني اشم ريحته واضمه واتحمسي لهذا الشي حتنبسطي ويروح التوتر وزي ماقلت لك مو بس لحالك حاسه بالالام غيرك حسوا فيها والحين هم بخير وسلامه وعايلتهم في ازدياد... مشروب اليانسون مو شرط تاخذيه استبدليه بغيره الا الحليب طبعاا لانه بيسبب لك غازات معروف الحليب اذا عندكم اي اضافات او استفسارات اتفضلوا لاتنحرجوا 🙊🙊🙊😂