اشلونكم بنات يارب الكل بخير..اني ولدت من اسبوع لانه عندي سكر حمل رغم انه ميتعدى ال ١٩٠لكن سوولي طلق صناعي قبل موعدي بكم يوم او بالضبط قبل اسبوع..انطوني حبوب لمدة ٤ايام وبعدها اجالي الطلق والمي ساعه ب ١٠ليلا واني بالمستشفى وبقيت اتألم الآم مو طبيعيه والله حسيت روحي تطلع من جسدي ولحد ساعه ٢باليل طلبت ابرة الظهر واعطاني الدكتور ابرة الظهر خففت عليه الآم رجليه وظهري شويه اما البطن والرحم نفس الالام وبعدها فحصوني للساعه ٤ الفجر فاتح الرحم ٦سانتيم واني احس فقدت اعصابي بس مع هذا مافقدت الامل بالله وبس اقرة ايات قرآنيه وللساعه ١٠الصبح يعني اثنا عشر ساعه اتألم وابكي واتوسل بالله ايخفف عليه ومن بعدين اجتي الدكتورة وشافت حالتي قالت مستحيل تولدين طبيعي واسمع اتقول لزوجي حياة الام والطفل بخطر الرحم فاتح ١٠سانتيم من ٤ساعات بس الطفل كبير ويفر راسه يمين يسار يعني ميطلع ابدا وبالنهايه بعد العذاب دخلت صالت عمليات بعد كل المعاناة وبالبنج اختنقت لانه عندي حساسيه القصبه وقلبي ضعف والنبض وفقط اسمع ايصيحون عليه ويضربوني ع وجهي واني كنت منتظرة بنوته ولكن سبحان الله زوجي دخل ويايه للعمليه وقبل ما افقد طلعو من بطني ولد والكل اتفاجئ اني و زوجي والاطباء مع العلم اني لحد شهر السابع اسأل الطبيبه اكوللها شنو الجنس واتاكدي واشتريت ملابس كلها وردي وتالي طلع ولد رزق رب العالمين ماكو فرق بس صارت مفاجئه والكل كذبوني من صديقات ومن اقرباء كل ظنهم اعرف وماحجيت ع كلا ربي لايشوف الي شفته لاي احد يارب يحفظ كل الحوامل والاجنه الي بالارحام يارب ويسهل ولادة كل حامل ..وشكرا ع كل النصائح بنات اي وحدة نصحتني وطمنتني واستفاديت منكم هوايه شكرا مرة ثانيه.تحياتي