اتصلت بالدكتورة قالتلي روحي عالعيادة بعد نص ساعه اجيت شربت كمون واكلت تمر ولبست رحت فحصتني التوسع ٢ونص كانت الساعه ٩ونص قالتلي للساعه ١ روحي عالمشفى بتلاقيني هونيك رجعت عالبيت صارت ١٠ تروشت بمي سخنة طلعت عملتلي ماما زيت زيتون وحبة سودة ودهنتلي ضهري وبطني وصرت اتمشى بالبيت والوجع يزيد ويقوا وانا ادعي واتمشى وطلعت اغراضي كنت ضاببتن بشناتي بس جهزتن عند الباب وصار ١٢ صرت ابكي قلتلا لماما ماعد اتحمل ابدا هلق بدي روح لبست ورحنا وصلت شي ١ الا عشر دقايق فتت فورا فحصتني الممرضه قالتلي ولادة الرحم فاتح عالاخير دخلتني عالمخاض وبدلتلي تيابي وعلقولي السيروم واجو ممرضتين معي وانا عالتخت حس حالي رح جن من الوجع قلن بدي دكتورتي وابكي وهني يقلولي يلا طولي بالك دقيقتين بتجي عندا عملية رح تخلص وانا خاف يقلولي بس تجيكي مغصة كبسي كبست مرتين مااستفدت شي بكرية وابني كان وزنو منيح ماشاالله اجت فاتت دكتورتي ع باب الغرفه هون فرحت خف وجعي كتير تفاءلت وقت شفتا فحصتني عم ينزل البيبي اجت قالت لدكتورة التخدير تعطيني الابرة انا طلبت تخدير عطتني الابرة تخدير عام صحيت لقيت ابني جنبي الحمدلله😍😍بس المعاناة عندي بلشت بعد الولادة كمان رح نزلا بس بدي تفاعلات متل ما وعدتكن