السلام عليكم ورحمة الله وبركاته كيفكم يا بنات وكيف الحمل معاكم الله ييسر لكم ويقومكم بالسلامة الله يسعدكم ابغى نصيحتكم عن مستشفيات المدينة الكويسة للولادة والي جربتوها بنفسكم وكانت تجربتكم حلوة،، مرررة تعبانة نفسياً وماني عارفة إيش أسوي انا ولدت بنتي البكرية في الموية في بريطانيا وكانت من أفضل الولادات الحمدلله عناية واهتمام ولمن حملت في ولدي كنت هنا بس مراجعتي كانت في جدة جيت المدينة على التاسع وولدت في المواساة على مديح البنات وكانت أسؤ تجربة اقسم بالله شفت الموت وولدت في النهاية لحالي ماكان عندي دكتورة كانت بااااااردة وتنرفز وفوقها الاستهتار ولدت نفسي بنفسي تخيلوا ولا عناية ولاشيء فرق شاااااسع بين ولادتي الأولى والثانية والحمدلله على كل حال وبعدين ماشاء الله ولدت بنتي الثالثة في بريطانيا بعد التجرية السيئة ليّ هنا رفضت اولد هنا ورحت بريطانيا في التاسع والحمدلله كانت ولادة جميلة ودحين الأغلب حاولد هنا ماحاقدر اروح بريطانيا ومررررة متأزمة نفسياً ومرعوبة كل ماأتذكر ولادتي في ولدي هنا يجيني خفقان وارجف😭😭😭الله يسعدكم الي تعرف وجربت مستشفى كويسة هنا في المدينة ويهتموا بالأم والطفل وعنايتهم كويسة قوليلي وإيش اسم الدكتورة ماابغى دكتور والله يجزاكم خير🌹