العضوة: 135408 , 8 years ago

@user-133739 اهلين بيكي حساب هذا التطبيق على الشاشة اما حساب الطبيبة الي نتبعها فارق بيوم يعني 34اسبوع و 4ايام عندي مرت اخي كي تكمل اربعين اسبوع يزيدوها اربعة ايام و يديرولها سيزاريان في ولادها كامل يعني كي تلحقي ل 3 فيفري يمكن يزيدوك 4 ايام اي ممكن 7 فيفري تزيدي و كل شيء من عند الله لازم ثقتك بالله و لا غير الله و ان شاء الله ربي يعطيك وقفة ساهلة و لكل وحدة يا رب

العضوة: 133739 , 8 years ago

ام معتز توبة نشالله اختي بصح راهم يقولو سيزاريان بروقرامي علا 39 او 38 اسبوع والله اعلم

العضوة: 101429 , 8 years ago

بصحتكم ومتقلقيش روحك راها تسبيق نتاع الزياده وربي يجيبلك لفيه الخير حتا انا عندي السطر كل يوم رني معانيه نشالله ربي يسهلنا ودار بيت الشيخ راهم ميحسوش بيك كي تموتي ليوم انا ثاني غسلت الزور نتاوعي وحشاك نلهث مقدرتش باش نموت وكرشي لفومي مقلتش واحدا منهم روح نعونها وراهم في عطله وخلي هذيك ولعزوج مقتلهمش روحو عونو مرت خوكم بلكرش ربي يهدي مك هي لتحس بيك اكل حشاك كلاب

العضوة: 135408 , 8 years ago

@user-133739 انا حكيتلك على مرت خويا موالفين هكذا يديرولها ويعطوها برية يقولولها كي تلحقي هاد اليوم مثلا 3 فيفري روحي للسبيطار و لتم دايما بعد اربع ايام سيزاريان و هذي في ثلاث ولاد صراتلها و في الرابع دك قالولها مادام هزيتيه مور خوه لازم تدخلي السبيطار من ثمانية اشهر و زيدي سقسي

العضوة: 135408 , 8 years ago

@user-101429 و الله كما قلتي انا لحقت بيهم كل يوم يقولولي يالله مش راح تزيدي لدرجة شيخي عندو 6 ايام جاء و حاوزني من الدار بسكو قلت منقدرش نمدلكم الدراهم راح نزيد راني نوجد لبنتي تقلبو عليا كامل حتان عيطت لماما جاتني راهي معايا و هوما كي اللفاعي حشاك يا ربي نزيد اليوم قبل غدوة و من السبيطار لدارنا و يولو يتوحمو عليا

العضوة: 101429 , 8 years ago

ربي يخليلك ميمتك هيا لتحس بيك وتلاي فيها مكانش قد الام ربي يعطيك وقفة سهلة

العضوة: 135408 , 8 years ago

@user-101429 امين ان شاء الله اجمعين حفظك ختي

العضوة: 101429 , 8 years ago

واش راح تسمي بنتك خلينا ننساو هم دار بيت الشيخ هههههه انا راحا نسميها نهال واش رئيك فيه زين ولالا

العضوة: 135408 , 8 years ago

@user-101429 امممم شباب بزاف و حنين ان شاء الله بنوتك تطلع مثله وبنتي ان شاء الله نسميها توبة

العضوة: 101429 , 8 years ago

راني نسنا في بنتي بفارغ الصبر ونشاله نجيب كيما هاذا البنوته وتجبيها نتي ثاني واهم شي هي انا تجيك سالمه وساره

العضوة: 101429 , 8 years ago

مشاء الله توبه اسم يهبل

العضوة: 135408 , 8 years ago

@user-101429 هذا اسم من اختيار اخوها و انا حبيتو بزاف و الله مشتاقة نشوفها لدرجة ما تتخيليش ربي يفرج و يسهل علينا و بفرحة بناتنا ننساو الي جاز علينا

العضوة: 101429 , 8 years ago

نشالله والله قا التقسيره معاك تهبل مشاء الله

العضوة: 71132 , 8 years ago

@user-101429 الله يبارك شكون هاد البوبية

العضوة: 101429 , 8 years ago

مش بنتي خصارة ههههههه من لنترنت