حوامل اكتوبر - حاسبة الحمل

العضوة: 469752 , 6 years ago

@user-279820 حبيبتي انتي الله يبارك فيكي. آمين يارب .

العضوة: 469752 , 6 years ago

اي والله وتكمل فرحتنا . الله يسهلها يارب . ولكل خواتي بالقروب ❤

العضوة: 469752 , 6 years ago

@user-350539 الله يبارك فيكي . الله يسهل لكم وتقومو بالسلامه ياقلبي .

خواتي بحكيلكم ايش صار معي . صمت بعد مافطرت شربت ماء زمزم وعسل ودعيت ان الله يقرب لي الولاده ويسهلها . جاني خموول الساعه 9 ونص نمت . صحيت الساعه 2 ونص اتسحر حسيت ب ألالام مؤلمه مو مثل كل يوم حسيت انه طلق وانا طلقي بارد على مهلو يطول يوم كامل . كنت اشوفو قوي ومتعب استمر ل 10 ونص الصباح ينتظم ويرجع عشوائي . اخر شي قلت احاول انام شوي . حاولت انام للعصر قمت ونفس الأوجاع قويه كنت احس ولاده بس ماابغى اعشم نفسي بتأكد اول . لما فطرت قلت بروح العياده اتأكد وجلست اجهز نفسي اتأخرت للساعه 10 والألام مستمره تنتظم وترجع عشوائي . مسكت دور دخلت عند الدكتوره قالت خمسه سانتي وبتولدي الفجر . روحت البيت اخذت شنطة البيبي واشيائي لأني بكون وقت النفاس بيت اهل زوجي كنت مجهزه من قبل بس حطيتهم بالشنط . وبعدها رحت المستشفى اللي بولد فيه قالت الدكتوره 4 سانتي ورحت غرفة الولاده انتهى دوامها . وجلست بالغرفه ساعه ونص محد تفقدني وانا مستغربه إلا منتظرين ملفي يجهز ولأنو كانت اوراقي مو كامله مارضو يقبلوني اخر شي اخذت اشيائي وطلعت الإنتظار ع بال ملفي يجهز أو اروح مستشفى ثاني حسيت اني مطروده 😕 . تخيلو كنت بصالة الإنتظار وبين الطلقه والطلقه 3 دقائق . كنت بولد بالممر اذا طولت اكثر . سوينا تعهد نجيب الأوراق الناقصه الصباح . بعد طلوع الروح ورجعت غرفة الولاده وجلست أزن اطلب دكتور التخدير عشان إبرة الظهر.

العضوة: 469752 , 6 years ago

كنت ابكي خايفه اولد وانا بكامل وعيي والألام تقوى اكثر 😭. ولما شفت دكتور التخدير حسيت ب أمان بس طبعا توكلي كله على ربي حاطه ببالي انه هو سبب فقط ولا التساهيل من الله . سوالي ابرة الظهر وكان التوسع تقريبا 6 سانتي وماكانت تجيب مفعول قوي كان يقول هذي اخر طلقه تحسي فيها . وكنت احس بالطلق خفت ماتعطي مفعول ورجع عطاني جرعه ثانيه ومانفع كانو مستغربين يقولو انتي ايش تشربي ايش تاكلي شكلك مدمنة قهوه . ورجعو عطوني جرعه ثالثه وماكان ناوي يعطي اكثر . بس الحمدلله نفعت كان باقي 20% ألم بس حلووو الحمدلله . حسيت انه احسن عشان اعرف ادفع واحس متى تجي الطلقه . وقتها التوسع كان 8 . وجلست شوي وصار 10 وكنت احس الراس ينزل وكنت احس الدفع وادفع اول مره اسوي كذا لأني مش متألمه مره . بالولادات اللي قبل ماكنت اساعدهم من شدة الألم اصيح بس . وكم دفعه ونزل ونور دنيتي الحمدلله . دخلت غرفة الولاده 12 ونص ولدت 2 و 45 . سبحان الله من لما بدء الطلق باليوم اللي قبله . واللهم لك الحمد والشكر انتهت رحلتي مع الحمل بسلام.