العضوة: 715511 , 5 years ago

اللهم امين يارب والجممميع

العضوة: 774361 , 5 years ago

@user-715511 نشالله كنت بدي جهز بس تعبان مالي خلق

العضوة: 715511 , 5 years ago

الله يسهل عليك يارب

العضوة: 785227 , 5 years ago

صباح الخير. اخباركم؟

العضوة: 742297 , 5 years ago

الله يعافي قلبك ياقلبي🌸🌸🌸

العضوة: 742297 , 5 years ago

يسعد صباحك حمد الله منشكر الله انت كيفك طمنينا عنك

العضوة: 742297 , 5 years ago

@user-787395 يسعد اوقاتك ياقلبي والله نمت بكير مبارح بدون ماحس ماحسيت غير هلق كاني كنت بغيبوبة

العضوة: 742297 , 5 years ago

@user-736127 باذن الله مافي خوف ماتقلقي ممكن يكون التهاب حاولي بالزيارة جاية تعملي فحص بول الله يكرمك و من هون لموعدك اشربي مي كتير و ان شاء الله مايكون في شي ماتخافي

العضوة: 742297 , 5 years ago

لا طبعا مافي اي مشكلة اذا كان البيبي تحت انا بنوتي تحت من البداية وحمد الله صرت بنص تامن منشكر الله وربي يكمللنا عخير الغريب بدكتورتك انو عندك اجهاضات و ولادات مبكرة وعلطيتك موعد بعيد كتير مفروض الاهتمام يكون مضاعف فيكي خاصة بالاشهر الاخيرة الله يكملك عخير وتقومي بالسلامة

العضوة: 742297 , 5 years ago

بدك تاخدي تياب للبيبي من جهتي باخود ٣-٤ غيارات كاملة يعني بحط اول شي الكوفلية وفوقها الطقم او الافرول اللي بدو يلبسو و بحط فوقو داخلي و الكولون والطاقية و الكفوف و الدقونة و البامبرز وبطويهم وبضبن هيك مابياخدو مساحة و بس بدي لبس البيبي بيكونو كل الغراض موجودين مابدور و بضل ساعة عم طلع من الشنتة و بحط كمان حوالي ١٠ حبات بامبرز احتياط بالشنتة ممكن احتاجهم اول فترة كتير بيغيرو بامبرز وبحط محارم معطرة بس يلي نسبة المي فيها ٩٩٪؜ افضل من المعطرة العادية لان ممكن يتحسس البيبي و بحط مي مقطر من صيدلية مع قطن طبي مشان امسح عيون البيبي كل يوم صبح و كريم مشان تحسس البامبرز بحطو احتياط بجيب سودوكريم وباخود منشفتين للبيبي و شامبو للاطفال و زيت اطفال و غسول للجسم للاطفال اذا بتحممي البيبي بالمشفى هدول لازم تاخديهم و حرام سميك لان ولادة بالشتا و اذا بتحبي احتياط تحطي ببرونة و لهاية انا مابستعملن فما بحطن في ناس بتحب تستعمل بودرة انا مابستعملها مابحبها

العضوة: 742297 , 5 years ago

بالنسبة ل شنتة الحامل بالمشفى من جهتي باخود فساتين نوم بحس اريح خاصة اذا في خياطة صعب لبس البنطلون كمان بحط الفستان او اذا بتحبي البيجامة وبحط فوقو الداخلي و كوتكس للصدر و كوتكس مشان بعد الولادة وبضبن وكريم للصدر مشان مايصير تشققات انا من جهتي بحب استعمل فازلين و زيت زيتون بخلطن سوا و بحطن بقلب علبة صغيرة وبستعملن ممتازين مابصير تشققات ابدا واذا صار فبيكون خفيف مهم بحط كمان ١٠ كوتكس اضافية بالشنتة لان بصير تغيير كتير خاصة اول كم يوم وبحط بشنتة صغيرة عطر خفيف كتيررررر و مسكرة و كحل ومرطب شفايف و محارم مزيلة مكياج و مرطب ايدين وبكلة او ربطة شعر مع فرشاية شعر ومراية صغيرة و شنتة صغيرة تانية بحط ليفة حمام و شامبو و غسول للجسم وفرشاة اسنان و معجون اسنان طبعا كلو مقاسات صغيرة مو العلب الكبيرة ليوسع و ميبو مشان الخياطة اذا صار خياطة كتير ممتاز الميبو في ناس بتحب تاخود معها سشوار مشان وقت تتحمم تنشف شعرها مايجعها راسها اذا مابتقدر عالشعر المبلول في سشوارات صغيرة وبحط منشفة للوش ومنشفة للحمام و العفو شحاطة للحمام و وحدة تانية مشان ماضلي لابسة شوز الله يكرمكم وجاكيت سميك شوي مشان البرد وشرابات كمان هاد يلي متذكرتو اي وبحب حط اكياس زبالة العفو مشان وقت غير الي او للبيبي بحب حطن بقلب الكيس بعدين كبهم بسلة مشان المنظر و ريحة العفو واهم شي الكاميرا و شاحن الموبايل😅

العضوة: 742297 , 5 years ago

من جهتي باخود غيارات كتير لان بالعادة بحتاجهم بطول لاطلع بس اذا بتطلعو بنفس اليوم مافي داعي للغيارات الكتير و مشان البيبي ماتنسي يكون عندك مقياس حرارة بالبيت ضروري و شفاط تنضيف الانف و شنطة بتجي من صيدلية فيها مقص و مشط و مبرد صغير و فرشاية صغيرة للشعر مشان اول فترة واذا بتولدي طبيعي خلي المشد موجود مشان تلبسيه بعد الولادة مشان مايترهل بطنك بس مو بنفس اليوم الله يكمل للجميع عخير 🌸

العضوة: 742297 , 5 years ago

@user-715511 روان انا بصير تحجير عندي فوق وراس تحت مابظن الو علاقة مكان تحجير بموقع البيبي

العضوة: 787395 , 5 years ago

@user-742297 يسعد صباحك ⚘كفيتي ووفيتي 🤛🤜

العضوة: 787395 , 5 years ago

@user-742297 نامي بكير احسنلك بتكسبي صحه صرنا بنحس حالنا تعبانين من دون منشتغل اشي..الله يتمم النا ع خير 🤲