اخر دوره ١٠ديسمبر وعندي قيصريه سابقه رحت للمستشفي لاني مطوفه وعلي طول قالوا عمليه لان عنق الرحم قافل ونخاف ينفجر الرحم ودخلت تنويم امس والساعه ١٠دخلت غرفة العمليات كانت خايفه جدا ومتوتره بشكل والبيبي كان مرتفع حيل ويظغط علي نفسي وضعي كان مزري ودخلت وقالو وش تبين بنج نصفي والاكامل شاورت الممرضه ونصحتني بالنصفي واخترته بس جو بيحطون لي الابره كنت شاده مره من الخوف والطاقم الي معي ربي يسعدهم دنيا واخره جت وحده وضمتني لين ارتحت ودخلت الابره وكان الالم موجود بس محتمل وبدا البنج بسرعه ينزل علي فخوذي زي الذبذبات وقالوا لي يلا بسرعه تمددي وبالقوه يلاه قدرت تبنجت من اسفل بس هم كملو واسحبوا ارجولي وبعدها حطو استاره وكنت ارجف وربي وضعي كان مررره يحزن والي معي كانو واقفين معي مثل اهلي يمسحون راسي ويسولفون علي ويقرون لي اقولك ارتحت وصرت اتبسم واحس بالدكتوره وهي تدف يدها داخل بطني بتطلع بنتي وانا احس بيدها والله شعورر جد غريب وحلو وبعدها سمعت صرخات البيبي وشفتها وصحت فرحه وكلهم يباركون لي والدكتور يقول بعد سنه اشوفك هنا هههههههه وبعدها كملو خياطه والله ي بنات راح الثقل الجنين كان عند صدري الحمد للله وبعدها نظفوني وشالوني لسرير ثاني وحاليا بغرفتي الحمد لله دايما وابدا والله يوفق الاطباء والطاقم الي يولودني قمه قمه قمه في الرحمه والرقي والاحترام والله يسعدهم دنيا واخره