الخطوات المهمه للولادة .. ..اذا دخلتي الاسبوع الاربعين وماولدتي لازم تروحين عالمستشفى طيران عشان تلحقين قبل يتبرز الطفل في رحمك وممكن يشربه ويتسمم او يصير له حاجه لاسمح الله الخطوات 1 الدعاء ثم الدعاء ثم الدعاء 2 الرطب من بداية الشهر التاسع 3الاستحمام بالماء الدافي المائل للحرارة 4سورة البقرة مهمه جدا 5لما فتح الرحم وحسيت ببداية طلق شربت زيت زيتون مع عصير اناناس لان الاناناس يحرض الرحم ثلاث ارباع العلبه عصير وربعه زيت زيتون 6 دعيت للحريم الي جنبي كانوا يولدون لان الملائكه راح يأمنون ويقولون لي ولك بالمثل 7مشيت كثير بعد مافتح الرحم 8 تصدقت بقطعة كيك كانت بشنطتي للطيور قبل ادخل المستشفى 9بعد مابدأ الطلق عندي بساعه تقريبا قلت للمرضه ان عندي امساك وابغى ابرة ماعرف اسمها المهم يحطونها بالشرج ويجيك اسهال وجاني معه استفراغ الله يكرمكم والحمدلله 3ساعات وفتح الرحم 10 سانتي ماشاءالله تبارك الله 10 خلال ال3ساعات هذي كنت بالحمام الله يكرمكم اسهال وكنت بنقطه مهمه اصب على ظهري مويا دااااافي جددددا مائل للحرارة 11 نقطه مهمه كنت اكرر ادعية الولادة يامخرج النفس من النفس تلقونها بموضوع عندي منزلتها 12 كنت ادعي يارب لاتخوفني وأمني لان الخوف هو الي يقفل الرحم 13 كنت احاول قدر الامكان مااصرخ لان الصراخ يهد الحيل ولمن تجيك الولادة الحقيقيه والدفع الحقيقي ماراح تقدرون تولودون وتكون طاقتك كلها راحت ويحولونك قيصري 14 لاتدفعين الا اذا دفع الطفل واذا وقف الطففل وقفي معه لان اذا دفعتي ومافيك دفع تروح طاقتك على الفاضي واذا جاك الدفع الحقيقي ماتقدرين تدفعين وممكن بعد الولادة بسبب هذا الدفع الخاطئ تجيك سلس بول. 15 لاتشربين لا اعشاب ولاخرابيط لان ممكن لاسمح الله يحولونك قيصري وبعض الاعشاب اما تسبب تجلطات دموية او غيره اذا شربتيها ثم سويتي عمليه وموشرط قيصري اي عمليه ماينفع تشربين اعشاب قبلها . 16 لاتشربين قرفه على اساس تجيب الطلق ولا زيت خروع لان لو جاك الطلق والرحم مسكر راح تتعبين على الفاضي وبعدين لاسمح الله يحولونك عمليه وحده كذا تخيلو من بداية التاسع تشرب قرفه عشان تولد وقالو لها لما جتها الولادة بعد الفحص عنق الرحم عندك سميك بسبب القرفه ومانقدر نولدك طبيعي لازم عمليه!! واهم شي توفيق الله والاستخارة بالطبيعي والقيصري ممكن يكون خير للطفل نفسه انه يكون قيصري وممكن وممكن وممكن واشياء كثير مانعرفها ووين الخيرفيها عشان كذا احنا نحتاج نستخير الله عز وجل في كل امور حياتنا ولاتنسو الاستخارة بالمستشفى ايضا وانك تستودعين الله نفسك وجنينك اول ماتدخلين المستشفى شي مهم ادخلو موضوعي تلقون ادعيه مستجابه وتلقون موضوع ثاني ادعيه الولادة عسى الله ان ينفعكم بها.