يسعد أوقاتكم امهات وحوامل 🌷🌷🌷 أغلبنا اذا مو الكل بتمنى يكون طفلو قوي الشخصية وواثق بنفسو خطوات اعتمدتها مع بناتي ولاحظت فرق واضح جدا بسلوكهم الخطوات أخدتها من سناب الإيجابية مشاعل الثمالي من ٦ شهور عم طبقها رح اشرحها لكم بطريقة مبسطة لتكون اوضح الخطوات جدا بسيطة بس رح تعمل فرق ملحوظ بشخصية طفلك ١_ مدح شكل طفلك الخارجي ٥ مرات يوميا يعني تغزلي بطفلك بشكلوو بعيونو احكي لبنوتك ام ٥ و ٦ سنين ما احلا شعرك بشرتك طولك 😍 هاد كلو بعزز الثقه بنفسها ٢_تضمي طفلك يوميا ٤ ضمات ❤️❤️ جد مافي أحلا من هالشعور انتي تعطيه الامان والحضن الدافي ورح تكوني جدا سعيدة بهالشي ٣_تقبيل طفلك ٤ مرات يوميا مع لمسات حنونه ع شعرو وخدودو وابتسامه بوجهو 💗 انتي رح تحسي بالسعادة مو بس اطفالك ٤_مدح تصرفات اطفالك الايجابية ٥ مرات يوميا مثلا بنوتك ساعدتك بترتيب السفره او البيت امدحيها واشكريها ابنك عمل تصرف حلو اثني عليه وامدحيه ولا تنسو نقطة مهمة مدح اطفالكم امام الناس يعطيهم ثقه عاليه بنفسهم ويجعلهم يتحملو المسؤوليه من صغر ٥_اتركي من وقتك فقط ٢٠ دقيقه للحوار مع اطفالك بدون جوال بدون اشغال بالمنزل خصصي لهم بس ٢٠ دقيقه اسمعيهم واحكي معهم 👩‍👧‍👦 ٦_قصة قبل النوم اغلب الامهات بتشوف مالها داعي القصة بس بالنسبة الي صارت شيء اساسي قبل نومهم ينامو ع سماع صوتك آخر النهار امان لهم من كل شيء ٧_مشاركة اطفالك كل اسبوع بنشاط خارج البيت او داخل البيت مثلا خديهم الالعاب او حديقة الحيوانات او بالبيت ارسمو سوا العبو العاب مسلية تعزز ذكائهم المهم شاركيه شيء من النشاطات اللي بحبها مره بالاسبوع وبالنهاية متل ما حكيت رح تلاحظي فارق كبير بحياة اطفالك وسلوكهم ولك الأجر طبعا وهاد اهم شي لأن اطفالنا أمانة من ربي نربيهم تربية صالحة وحسنة. الله يحفظ لكل ام اطفالها ويهون حمل كل حامل ويرزق كل متزوجة بالذرية الصالحة 🌷