احم بسم الله تبدا القصه ان اختكم في الله دخلت في العاشر ولي حوالي ٦ ايام المهم ان دخلت المستشفى تنومت يوم واليوم الي بعده هو 🌚 اليوم ول ولت فيه لين شبعت 😂 المهم جوني من الصباح وقالو يالله تحاميل الطلق 😶 وبس روحه وجيه على الحمام الله يكرمكم اسهال وتنظف بطني شوي كذا ارتاح وانام واحلم ان الممرضات حولي و وحده منهم تقولي انتي حدك الساعه 8 ولاده غيرها لا واقوم مستغربه 🤔🤔 المهم جا الظهر وجا وقت التحاميل الثانيه 😰 قالو يالله وتفحص قبل وتقولي الرحم مو مفتوح 😑وقبلها كانت مفتوح ١ بس المهم وتعدي ساعه و وراها ساعه ويبدا مفعول التحاميل الحقيقي و الم بدا في بطني مع شوي في ظهري وتجي الممرضه وتحط لي الي يقيس نبض الجنين على بطني واعوذ بالله احسه ثقيل 😩 واقول شيلوووهـ عني وامي يدقون عليها وانا اخلاقي ❌ واقول لها لا تردين قفلي 😩 المهم بدا الطلق من ٣ وبديت امشي ويزيد الالم وجا العصر على الساعه5 جات ممرضه افريقه اسمها( نعمة الله) و بتشوف كم فتح الرحم وهي ماشاءالله طول في عرض امي خافت في نفسها قالت شكل بنتي ماراح تتحملها اما انا اول ما شفتها وابتسمت لي طلعت من عيوني قلوب 😍وحبيتها من اول نظره😂 المهم وتحمسني وتقول انتي اذا ولاده خلاص راحه وتاكلي شوكلاه وفري قود ومدري ايش بس انتي خوذي نفس وامشي بس امشي وانا عجبني اسلوبها وتعاملها وللامانه كلهم تعاملهم كان مريح معاي ويتبسمون وهذا اهم شي عشان يرتاح المريض المهم ان الرحم انفتح ٤ وامي فرحت قالت كويس وبدا يزداد الالم ها وها وها وانا بس امشي😩 لاني ما اقدر اتسدح ولا اجلس احس الالم يزداد واحيانا اوقف وزي الي اركع من الالم وطفشت امي ابغى مويا حار اتروش فيه وبس اروح الحمام واصرخ احس شي بينزل وتجي اختي واقول لها فلانه بسرعه ارقصي لي ابغى اضحك 😂 وترقص وامي معها يستهبلون وانا اقول خلااااص😫 وقفووووو بببس ما ابغا وكل ما دق احد على امي والا سولفت لي اقول لها امي قفلي لاتكلمين احد والا ما اقدر اسمع السالفه 😭😭😭 بهذلتها والله يسامحني لكن شسوي الالم بدا يسطير علي وشوي جات نعمة الله تفحصني وانا اتالم وهي تشجعني وترقص لي بعد طلب مني😂 قلت لها انتي تجين معاي الولاده 😫 انا ما ابغاك الا انتي قالت اجي؟ طيب ☹️♥️♥️ المهم وفحصت تقول خمسه الى سته وامي فرحت تقول يالله ان شاءالله يزيد الالم وانا اناظر لامي😳 حرام عليىك امي تبيني اتالم!😢 قالت لا عشان تجيك الولاده وترتاحين😓 وانا بس امشي والا اخلي امي تسبحني في مويا حار والا استفرغ وجا وقت صلاه المغرب وتقولي امي اجلسي صلي وانا اشد شعري من الالم واقولها ما اقدر اصلي ما اقدر 😫😫😫😫💔 التكملةةةة_____________ وامي متأسفه علي : حاولي هذه الصلاه مهمه 😢 وانا : مقدر😩💔 وتحاول فيني الله يجازاها خير وبالقوه صليت 😫 الم فضيع مرا وكل ماله يزداد وكل مازاد الالم اروح الحمام ي استفرغ الله يكرمكم او تسبحني بمويا حار😂💔😔 وشوي جابو الاكل سمك يعنني عشا وانا احسني كارهته امي جلست تاكل من التوتر 😂 وتقولي كولي وانا اقولها انا وين وانتي وين 😢مع ذا الالم احد له نفس ياكل ! وخلاص مع الوقت زاد الالم وبس اركع واصرخ والممرضات يسمعون ولا جو يبون الطلق يزيد يخافون يفحصون ويطلع الرحم لسه ما انفتح اكثر عشر دقايق كذا الا اصررررخ مرا حتى امي قدامي من الالم ماعاد شفتها احس الدنيا تدور فيني الا جات الممرضه وتقول خل انادي المشرف عشان يقولي اذا ننزلك والا لا قلت لها لا نادي (نعمة الله)😂< ياهذي النشبه قالت لا لازم اناديه هو عشان هو الي يقرر قلت خلاص مو مشكله امي تناظر لي : بس رجال وانتي في عده قلت مع الالم : للضروره احكام يا امي😩😢 وجا يفحص واخلاقه ف خشمه مستعجل الاخ وانا اقوله بشويش انا دلوعه الله يخليك من الالم مدري شقول😂 والممرضه تضحك وهو معصب قال مفتوح من ٧لـ ٨ نزلوها خلاص وانا هنا اقسم بالله فرحه ما تنوصف مدري كيف اوصفها واقول ف نفسي اخيراً وامي تقول الحمدلله واتغطي بشيله ويمشوني بالسرير وانا ارفع راسي وادور نعمة الله 😂😂😂😂 وشفتها واقول : نعمة الله 😩 وكل الممرضات يضحكون والي تقول : غرنا صراحه والي تقول : وش تبين فيها هذه زوجها عافها وانا مع قوة التعب اقول : والله ماعنده نظر😂 المهم وتجي نعمه الله معاي مبتسمه وتقولي خذي نفس ورحنا المصعد وامي وراي تقول مقدر انزل معاها قالو لا ما تقدري وتستودعني الله : الله يحفظك < وقالت لي انها رجعت الغرفه تبكي وتدعي 😩 ي روحي امي تقولي وقتها نفسي اقول لكل السعوديه انك بتولدين عشان يدعون لك المهم وانزل معاهم ويرجع الطلق اقوى واصرخ : ابغى اولد وتقولي نعمه : خلاص بتولدي خذي نفس مافي صوت بس شهيق زفير <طبعا هي تتكلم مكسر لانها مو عربيه بس انا اقول المعنى المهم نزلنا ف كوشك الولاده وقالت نعمه بروح انا قلت لها لا الله يخليك 😭 والممرضه الي بتولدني شافتني متعلقه فيها قالت خليكي معاها وانا وجهي 😃 ويغيرون السرير وانا اشد شعري من الالم واقول ابغى اولد وجات الممرضه الي بتولدني اسمها سحر ودخلت يدها في الرحم وتقولي يالله ادفعي وانا قلت بس هذه الولاده وادف وادف قالت بس وانا اتالم واقول فين النونو وتقول نعمه : لسه ف بطنك 😂 اثاريها تبغى تشوف لوين الرحم مفتوح والبيبي قرب مع الدفع والا لا المهم ويجهزون الادوات ويرفعو رجيلاتي ويقولو يالله وانا اقول ف نفسي هذه الولاده حطي كل قوتك 😩 دوفي وادف واصرررخ ونعمة تقولي اشش < ماتبغى ابذل جهد الا ف الدفع اما الصراخ راح يتعبني كمان وكتمت نفسي وادف وهم يشجعون 😂 اربع سستر اتوقع معاي المهم ولله الحمد اربع مرات اتنفس شوي وبسرعه ادف اخاف الطلق يبرد وابقوه الا اولد ويمسكون ولدي ويقولو ماشاءالله وانا هنا الراحه كلها السعاده كلها الالم ذاك راح بشوفته وخيطولي وهو بحضني 😭احمدك واشكرك يارب وكل ما اتذكر فرحتي بس ابغى ارجع ذيك اللحظه مو الالم لا لحظه ما حطوه علي وابووسه وانا انادي ب اسمه وادلعه وهم يضحكون ويفركون فيه ويقوم يبكي 😩😩❤️ وصح بعد ولادتي جلست ابكي اتذكرت كيف بهذلت امي ويالله قد ايش الام نعمه ما تتعوض 😩😩😩😩 بس الحمدلله بعد ماولدت نعمه راحت بشرتها اني ولدت وقامت تبوسها😂وتسجد وترجع تبوسها وتسجد وما قصرو الممرضات الله يجزاهم خير وجلست انتظر بفارغ الصبر ابغى اشوف امي وهي ي قلبي كل ما سئلت السيييتر قالو لها الحين شوي وتطلع وانا انتظرت اربع ساعات عشان المغذيه الي في يدي مدري وش حاطين فيها ☹️ لا ولايفوتكم شكلي هههه وانا انتظر في وحده سمعت صراخها ب الغرفه الي جنبي وانا وضعي تسذا اسوي بيدي حبتين واقول انا الحمدلله خلصت😂✌🏻<مدري وش احس فيه اشوا محد فيه من السيستر😂😩 واخيرا شالوني ب العربيه ورحت الغرفه وشفت الغاليه وبكينا واقولها سامحيني بهذلتك قالت مسامحتك❤️ وامي رقدت قالت لا اسمع صوتك الحين ابغى ارتاح 😂😂😂 عاد تدرون لا ولدت الوحده بس تبغى تهرج ما تصدق وهي تولد🤐😬 ونعمه الله جات الصبح تدور علي والحمدلله لحقت اودعها 😩 ي زينها والله ودي اقابلها 🖤 والحمدلله على كل حال ولادتي كانت انتهاء للعدتي لان زوجي توفى وانا حامل لي شهر واول بكر لي وان شاءالله سند وسميته عبدالله على اخوي الي توفى مع زوجي وان شاءالله ربي يجمعنا فيهم بالجنه والحمدلله على كل حال وبس توته خلصت الحتوته وسامحوني طولت كثير لانو ابغى احتفظ فيها واقولها لبطوطي لاكبر ان شاءالله يارب 😍💜 ملاحظه صغنونه: الي دمعت عنونهم سامحوني 😭 فديتكم مو قصدي والله 😢❤️ وفديت كل تعليقاتكم الي تشرح الصدر مثلكم 🌷 والي حوامل ربي يعينهم وييسرلهم 💗 وادعو دايم اللهم سخرلي الدكتوره المناسبه والمكان المناسب والوقت المناسب 👍🏻 ولاجاكم الطلق خلي على لسانك بس الصلاه على اشرف الخلق👌🏻 وامم وش بعد بس وتراني ولاده من زمان😂🤛🏼 بس كونت من اول ابغى اقول قصتي 😊 وانشغلت لين الله فرجها وكتبتها 💪🏻💪🏻 وبس سلامتكم🙄 وبعد الولاده لاتنسو تشوفون اشكالكم ف المرايا 😂 وربي فطست ضحك على شكلي والحياه حلوه 🙄😂 وخذو سلفي مع البيبي بعد الولاده انا من الفرح نسيت ما تصورت معاه 😭 وبسسسسسسسسسس🌚 لاحظو هذا كله ملاحظه صغنونه😂🌺