العضوة: 127050 , 8 years ago

@user-129264 لا عندي بيت اختي وعندها صغار اول فترة كانت تاكل لما اروح عند بيتها وبعد فترة ملت وصار شي طبيعي

العضوة: 129264 , 8 years ago

@user-127050 بجوز هاد سبب عصبيتك عليها حاولي تلعبيها وتدلليها

العضوة: 127050 , 8 years ago

@user-129264 بس انا كتير مدللاها وبخاف عليها حتي لما تكون عند لصغار بتضل عيني منها بس العصبية كيف بدي اتخلص منها لانه حساها انها ضعفت شخصيتها هالايام

العضوة: 129264 , 8 years ago

@user-127050 مثل ماقلتلك قرأي قرأن ونشالله بتهدأ نفسيتك واستغفري ربك ونشالله بتروح العصبية

العضوة: 75091 , 8 years ago

عطيها حليب بيديا شور

العضوة: 121044 , 8 years ago

حبيبتي الله يكون بعونك بس حرام لا تعصبي عليها بعرف مو بإيدك بس هي كمان طفلة حرام مو ذنبها وبالنسبة للأكل ابني كمان نفس الشي غير انه ورش كتير وبيضل يخرب ويكسر اجت فترة جنني بموضوع الاكل وللعلم هادي من الغيرة الاطفال بيحسو وبغارو وبيبطلو ياكلو انا ابني كان اكله ممتاز من وقت ما حملت وصار يجنني بالاكل ونحف كتير وكنت عصب عليه بس ما عمري ضربته نادرا ما اضربه لانه حرام طفل ما بيعرف هو شو بده ولا بيعرف يعبر ممكن يكون موجوع او اي شي انا بس كنت عصب عليه ويعيط يتقطع قلبي عليه وصير ابكي وبكره حالي لاني صرخت عليه وجربت معه كل شي حت# فاتح الشهية مافاد بس انا تقربت منه كتير صرت احضنه ولعبه انا وخليه يضحك ودلعه وابوسه كتير هاد الشي كله كنت اعمله بس مشان الحمل متعب اهملت هالشي ورجع شوي شوي ياكل ويتحسن بكل شي حتى بطل يغلبني مثل قبل صدقيني بدهم حنية بنتك بدها حضنك هم ما بيعرفو يعبرو هم شو بدهم اي وحدة بدها تكسب بنتها او ابنها تضل تحسسه بحبها وحنانها والحب والحنان مو بس بالتنضيف والاكل ضلك احضنيه وبوسيه واحكيله كلام مشجع متل بطل شاطر شجاع ولما يعمل شي جديد انبسطي وزقفيله حتى لو كان تافه او ركب لعبة صح زقفيله وبوسيه وشجعيه ولما يغلط احكيله معلش ماما مافي مشكلة وفهميه انه غلط بدون تعصيب والله ابني تغير ومعروف انه الاولاد ورشين اكتر من البنات والله ماشالله عليه بيرد علي وما بغلبني متل اول وكل هاد لاني عاملته بحنية والله التعصيب والضرب بيجيبو نتيجة عكسية تماما بيصير الطفل عنيد وبيصير ورش اكتر بس علشان يلفت انتباهك بتعرفي ابني مرة صار يعيط ويرمي العابه بدون سبب استغربت وصرت احكيله تعال ماما حضنته وهدي وراق وصار يحكيلي حبيبي ماما ولو تشوفي كيف الحنية انعكست عليه صار حنون كتير وبس يشوفني تعبانة يجي يبوسني ويحضني ويلم العابه مع انه عمره بس سنتين وخمس شهور

العضوة: 127050 , 8 years ago

@user-129264 ان شالله رغم اني بقرا بس ان شالله

العضوة: 117570 , 8 years ago

من تجربه حطي لها الاكل وراقبيها من بيعيد بتيجي هي وتاكل من نفسها .. هي تكره الاكل من كثر ماتقوليلها كولي وكولي الطفل مابيحب ينجبر ع شي

العضوة: 127050 , 8 years ago

@user-121044 بس انا كتير حنونة عليها طول اليوم وانا بلعبها وبنخضن ببعض وبنلعب مع بعض بس مشكلتي عند الاكل ما بتحملها تضل جوعانة ومش راضية تاكل لهيك بعصب عليها وبصير اضرب فيها بدون وعي وبعدها بتصير تعيط ولا بتاكل ولا شي بعدها بتجي بحضني وبتروح بالنوم من لعياط

العضوة: 127050 , 8 years ago

@user-117570 ممكن بردة فكرة جيدة بدي اجربها هاد الاشي هي بتعملوا لهالها بس باكل المكرونة وغيرها لا بس رح حاول

العضوة: 127050 , 8 years ago

@user-117570

العضوة: 129264 , 8 years ago

@user-121044 كلامك صح وحلو وانا بنتي وقت عصب عليها ماتقرب مني وتصير ماترضا تاكل وتخربلي البيت ووقت الاعبها تتغير 100 درجة وصارت ماترضا تنام غير بحضني وانا وعم انيمها بغنيلها وبلعبلها بشعرها ووقت تصحى من النوم تضحك كتير حتى لو كانت لوحدها بلغرفة

العضوة: 128642 , 8 years ago

@user-127050 اكثري من الاستغفار وحاولي تضبطي نفسك بنتك لساتها صغيره ومالها احد بعد الله غيرك لوماحنيتي عليها من راح يحن عليها هي محتاجه لك كثييير حاولي تتحمليها فرضي لو سمح الله وانتي معصبه عليها صار لها شي بسببك راح تتحسفي طول عمرك مهما كانت نفسيتك في الحمل حاولي انك ماتخليها ع بنتك وخلي زوجك يساعدك ويهتكم فيها معك سولي لها حليب وسرلاك واذا رفضت خليها تاكل مع ابوها وشجيعها للتعصبي عليها وقت الاكل ولاتجبريها لان الاطفال مايحبوا احد يجبرهن لاتوضحي لها انك مهتمه تبغيها تاكل حطي الاكل قدامها وانتي كلي قدامها وقوليلها هذا الاكل لي لوحدي وتصير تحب الاكل وتاكل الله يسخر لك بنتك ويحنن قلبك عليه ويسهل لك حملك وولادتك يارب العالمين

العضوة: 121044 , 8 years ago

@user-127050 وبتعرفي كمان انه علشان ما بعصب عليه بس يعمل شي غلط مو بقصده صار هو بس ينكب مني شي او ينكسر مني شي يجي يحكيلي معلش ماما مليش عادي والله متل ما بتعامليه بيعاملك وشو ما بيشوفك بتعملي بينعكس بشخصيته يعني علشان في احترام وحب بالبيت اثر تأثير ايجابي عليه يعني انا ما بتعامل مع زوجي الا بكل كلمة حلوة واحترام مثل تفضل شكرا عفوا نعيما صار يحكي متلي بس ابوه او انا نجيبله شي حتى لو مي يحكيلنا شكرا ولما احنا نطلب منه شي ويعمله ونحكيله شكرا بيحكيلنا عفوا وكل شي بيحكيه الله يحميه اول ما يصحا بيحكي صباح الخير ووقت النوم بيبوسني انا وابوه وبيحكيلنا تصبحو ع خير وبس يطلع ابوه ع الشغل علشان تعود يسمعني بحكيله الله معك والله يرزقك وانتبه ع حالك صار يحكيله نفس الشي وانتي كمان اعملي هيك ومو من اولها رح ترجع تاكل وترد عليكي الموضوع بده صبر والله بتصير الامور ممتازة

العضوة: 121044 , 8 years ago

@user-127050 اكيد ما في ام بتتحمل تشوف ابنها بدون اكل انا والله لما كان هيك كنت انجن واتدايق كتير بس هم الاطفال بيحسوا وبيغارو لو شو ما عملتي رح تضل هيك بس الحنية بتخفف الموضوع شوي انتي جربي الموضوع ووقت الاكل لا تعصبي عليها ابدا ابدا وشوفي كيف رح تصير تاكل اعمليلها شي بتحبه اعمليلها اشكال بالاكل وبتاكل انشالله