العضوة: 696888 , 5 years ago

الولادة بدون شق ممتازة بس قولي للطبيبة لاتقص لك الا اذا لاسمح الله صار شي لان ممكن يكون تمزق شديد ويكون بكل جهه وتبلشين بنفسك الافضل الطبيبه تشوف حالتك لاخر لحظة

العضوة: 650653 , 5 years ago

يعني قبل الطلق يصير الشقوق اللي تقولين عنها !!

العضوة: 696888 , 5 years ago

لا اثناء خروج البيبي لما يجي يطلع يسوي لك تشققات عشوائيه وهذا مو زين القص ارتب وواحسن حسب وزن الجنين

العضوة: 351092 , 5 years ago

الاطباء يلتجؤن لشق العجان بسبب الولادة يعني مو شيئ انتي تقرريه و تطلبي منهم ما يسونه كل يعتمد على ولادتك

العضوة: 745429 , 5 years ago

تقدرين تطلبين من دكتورتك تولدك بدون شق لكن مهم انها تكون تدعم الموضوع، الولادة بدون شق تحتاج منك اشياء تسوينها قبل موعد الولادة عشان تهيئين المنطقة.. المفروض انك تسوين رياضة وقرفصاء واذا دخلتي الثامن تبدين تسوين مساج للمنطقة.. وقت الولادة الدكتورة المفروض تحط لك كمادات دافية منن تحت عشان تسهل خروج البيبي بدون اي تمزقات وحتى طريقة الدفع ومساندة خروج الراس لها دور مهم.. هذي نبذه بسيطة عشان تعرفين ان الولادة بدون شق تحتاج مجهَود منك مو بس كذا والسلام وبرضو مهم انك تلقين دكتورة داعمة

العضوة: 663495 , 5 years ago

اطلبي من دكتورتك قبل انا كلمتها ب اول يوم رحت راجعت عندها بالتاسع ولاحظت انها تدعم وقالت مانقص الا لو احتجنا وفعلا ولدت بذون شق الحمدلله وانا بكريه نصيحة لو الدكتورة ماتدعم غيريها روحي مستشفى السلام عند دكتورة كريمة رهههههههيبه ومتعاونه وكل الي يولدون تحت تدريبها 👌🏻

العضوة: 791087 , 5 years ago

حبيبتي وين ولدتي؟ بأي مستشفى وأي منطقة؟ فيه أحد جرب يولد بالرياض في مستشفى الحبيب أو دلّة بكريه بدون شق؟ عندهم طبيبات مساندات لهالموضوع؟

العضوة: 765932 , 5 years ago

حبيبتي الله وكيلج حتى الاجانب يشقون ويخيطون شلون ما جان

العضوة: 626403 , 5 years ago

@user-663495 اي منطقه المستشفى

العضوة: 286236 , 5 years ago

اذا انتي في السعودية قص العجان أصبح من العمليات المحظورة بلا داع لو دخلتي على موقع وزارة الصحة حطي في محرك البحث قص العجان و اقرآي حقوقك يعني مافيه شي اسمه الدكتوة تدعم ولا ماتدعم.. غصصصصبا عليها تدعم وبنص قانوني الا في حالات يستدعي القص طبعاً مثلاً بدأ نبض الجنين يقل بتقولين لها لا تقصين؟ او اذا الجنين طالع و بيسبب لك شقوق عشوائية ممكن توصل لفتحة الشرج بتقولين لا تقصين؟ 😅 ولا الأفضل تقص قص مرتب و تخيطه بدل خرايط الشقوق المتفرعة ؟ وبالنسبة لجداتنا مين قالك انهم ما يشقون؟ تجلس الحرمة تطلق اياااام ماتقدر القابلة انها تولدها تقوم تطلب طبيب يجي ويقص شوفيهم في الأفلام المصرية وممكن اذا الجنين طلع شق أمه و تقعد مسكينة بشقها لين يلتئم من نفسه يستخدمون أعشاب مثل دم الأخوين يحطونه على الجرح او الخوا جوا وبالنسبة للأجانب يشقون مين قال مايشقون؟ ادخلي يوتيوب و مواقع الحمل.. حالهم مثل حالنا يدورون حلول للولادة بدون شق عجان ويستخدمون زيوت تدليك لمنطقة العجان عشان يصير فيها مرونة وماتنقص giving birth without stitches أكتبيه في محرك البحث وشوفي محاولاتهم الضجة اللي صارت حول شق العجان سببها ان بعض الأطباء او بالأصح القابلات يشقون بدون داع يعني لو يصبرون ممكن يتوسع العجان الى ١٠ سم كاملة ويطلع الجنين بدون شق او بشق صغير لكن الحاصل ممكن ان الأم تدفع وماتتحمل تمسك نفسها و عنق الرحم ماوصل ١٠ سم فتبدأ الشقوق من الجنين تشقها شق 😅😂😂 هنا يتدخلون و يشقون العجان مو أفضل؟

العضوة: 651837 , 5 years ago

انا شفت من قبل في هذ البرنامج وحدة تشتكي انهم ماقصولها لانو صارلها توسع رهيب بالمنطقة و صارت تتحسر قالت انو القص والخياطة هي لي تخلي المرأة ماتتوسع يعني المهبل يرجع ضيق بالخياطة وفي كثير بنات اكدو كلامها وقالو انو لي ولدو بدون شق وتوسع المهبل (وماصار في متعة بالجماع بين زوجين) بنات فيكم تقولونا ايه رايكم ومين ولدت بشق و بدون شق وايه الفرق خصوصا انو يهمنا ضيق المنطقة بعد الولادة

العضوة: 286236 , 5 years ago

الكلام هذا عاري عن الصحة التوسع سواء بشق او بدون شق علاجه التمارين و خصوصاً تمارين قاع الحوض يولدون ويقولون توسع طيب شي طبيعي تتوسع المرأة بعد الولادة تحتاج ست شهور على الأقل عشان اللحم يشد و يقوى ولا يسوون تمارين كيجل ولا يمشون ولا يفكرون يرفعون رجولهم للرياضة ويقوون العضلات الداخلية للفخذ و يرجع الحوض لحجمه الطبيعي ولا أكل يعتمد على البروتين و الخضار وبعدين يقولون مانستمتع بالجماع!

العضوة: 651837 , 5 years ago

مابعرف هذا لي شفتو حبيت شاركو معكم لنشوف اذا صح او لا ،انا ماقصدت اسيئ قصدت انو نستفيد من الموضوع ونعرف شو الصح ،انا بولاداتي 2 عملولي شق وتقريبا 99%لي بيولدو عندنا يعملولهم شق

العضوة: 428676 , 5 years ago

الشق رحمة وقتها ماتقدرين تختارين هم أدرا بصالحك بعضهن لازم شق عشان يساعدونها وبعضهن تولد ويشق الولد المنطقه بنفسه الشق فيكي فيكي سوا بتدخل دكاتره ولا رأس الورع يشقه

العضوة: 623017 , 5 years ago

مين قال الاجانب ما يشقون؟ اقاربي بأمريكا و نيوزلندا و كذا وحدة شقولها.. اتوقع ان الموضوع يعتمد على الام و توسع المنطقة و مرونتها و ايضا الطبيب.. انا سمعت عن تدليك المنطقة بزيت الزيتون و تمرين بس انا خايفة اسوي و ايضاً احتاج قص و ما يصير سهل التخييط لان المنطقة شابعة زيت 🤷🏻‍♀️