الحمدلله الذي بنعمته تتم الصالحات الحمدلله على تمام النعمه واكتمال المنة رُزقت بـ " نواف " ولله الحمد من قبل ومن بعد .. وهذي قصه ولادتي 🥺❤️ اول شيء انا من حوامل ١٠ مايو وكان اخر موعد لي للولادة يوم الاحد٣ مارس.. في يوم الجمعه بعد ماصار جماع حسيت اني تعبت اكثر من كل مره بالعاده يجي طلق بعد الجماع بس مايستمر معاي وهالمره طول بس على فترات متباعدة لكن ماعطيته اهتمام قلت ماني رايحه المستشفى الا اذا نزل علي شيء المهم كنت ابي ارتب كم شغله ماخلصتها بالبيت قبل الاحد واول شي غرفه النوم وادخل الغرفه ساعتين تقريباً ماريحت فيها واقفه واتحرك اشتغل واشيل واحط ماخلصت الا وظهررري واصل حده من التعب المهم بعدها ريحت ونمت وصحيت الصبح من يوم السبت ٢ مارس على الساعة ٨ونص وحاسه بشيء دافي ينزل مني انفجعت 🥺 واقوم سريع ع الحمام اكرمكم الله ابغى أتاكد وبعد ماخلصت اقوم إلا طلعت المويه ولازالت تنزل مني والبس فوطه واروح اصحي زوجي قووووم عندي ولادة صحي مفجوع 🌚 ومو مصدق خلاص منتظرين الموعد الأحد 🤣 واجهز اغراض ولدي الكبير ويطلعه ابوه لجدته ويادوب لبست واخذت اغراضي ومشينا على المستشفى 🚙 وانا اقرا اذكار الصباح وادعيه تسهيل الولادة بس لحد الان ماحسيت عندي طلق وصلت الطواري وقعدت انتظر دوري 💔 الين مانادوني وفحصتني الدكتورة وطلع فاتح الرحم ٣سانتي وحطولي تخطيط بس ماجا طلق الا مره وحده خلال نص ساعه وبعدها كتبولي تنويم وطلعت لكشك الولادة تقريباً ع الساعة ١١ ونص 🥺 وسوولي الاجرائات المبدئيه وخلصو وانا انتظر الطلق يزيد ومافي الا خفيف الى ماجات الساعه ٣ حسيت انه بدأ الجد 😩 وبدأ يشد أكثر بس على حظي الوقت هذا كان تبديل شفتات بين الدكاترة والموجودين كلهم والقابله اللي عندي اقلها نادي الدكتورة طيب افحصيني وهي بكل برود قاعدة تسجل ع الكمبيوتر بيانات وتحاول انها تطنشني الى ان تجي اللي تمسك مكانها وانا اتصرعع من الالم الى ماجات الساعه ٤ جاني دكتور وفحصني طلع فاتح ٥سانتي وكتبلي مسكن الله يسسسعده ادعي له كل مااتذكر ريحني كثير هالمسكن بجد كنت محتاجته خلاني ارتاح شوي اقدر اخذ غفوه واصحى ع الم الطلق وبعدها بشوي بدأ الجد مره ثانيه قاعد يزيد الالم واقول للممرضه نادي الدكتوووور وهي بكل برود تقولي توه كان عندك الدكتور خلاص انا هنا ماسكه الدمعه 🥺 الى ماخلاص قعدت اصيح فيهم حاسه بدفع وتجي تفحصني قالت ولادة 😭 وهما كانو ثنتين دفوني بنفس السرير ع غرفه الولادة ع حظي كل الدكاترة مشغولين محد فاضي عندهم ولادات ولا معي الا الثنتين ذولي وحده ممرضه والثانيه شكلها قابله اللي ولدتني بس الله يسعدها كانت جداً هاديه قلت لها لو سمحتي حاولي معاي لاتشقيني قالت انا مااشق الا اذا الطفل شقك هذا شيء ثاني قلت بنفسي الحمدلله وجاتني طلقه قويه ودفعت اول مره بس ماكملت قالت شفطيه وهنا اتذكرت ( ام ابراهيم الله يسعدها🤣mika@ ) واللي بعدها دفعت وماكملت وبعدها دفعت اقوى ووقفت قالت مسكت الراس كمان ادفعي وهنا عطيتها اقوى دفعه الى ماسمعت صرخته الاولى للحياة حبيبي نواف 💕 ولدته الساعه ٥ وربع ووبس ولدته وارتحت اخذته وحطته تحت المدفأه ومسحته وسوتله كل شي بعدين جاتني وانا ع بالي اني خلصت نسيت المشيمه يارباه منين اجيب لها طلق ذي الا تقولي كحي وكحيت بس ريقي ناشف مافيني حتى كحه بالكذب عيت تطلع الكحه الثانيه 😂 وسوت حركه بيدها على سرتي بشكل دائري يوووه رجع الطلق بسرررعه ودفعت مرتين الى ان طلعت المشيمه قلت الحمدلله خلصت قالت باقي انظفك 😭💔 وتحط بيدها ٣ شاش وعليها محلول وتدخل يدها تنظف ٣ مرات سوت الحركه حسيت روحي بتطلع قالت شفتي القطع هذي لو تركتها فيك ممكن تجيبلك نزيف .. الوحده ماتصدق تفتك من الولادة وتبتلش باللي بعده .. والحمدلله على تيسيره صح ان هذي ولادتي الثانيه بس اول مره اجرب الطلق الطبيعي .. وكمان نعمه من ربي اني ولدت من دون شق .. الصراحه فرق تقدرين تمارسين حياتك بشكل طبيعي مو زي وانتي بخياطه .. وتوته توته خلصت الحتوته 😆 وأي سؤال اتفضلوو 🌚