أنا الحمد لله ولدت ولما صرت أحسن حبيت أحكيلكوا قصة ولادتي للإستفادة منها. أنا الدكتور قررلي أولد قيصري و كنت بالأسبوع ال٣٧ ولكن فجأة قبل ميعاد العملية بأسبوع جالي مغص رهيب بس أنا أعتبرت انه عادي بسبب قرب موعد الولادة و لكن المغص استمر طول اليوم و فجأة الفجر صار المغص شديد جدا و بيجي كل ١٠ دقائق و لكن اللي خلاني ما أظن أنه طلق لإنه غير مصحوب بإي إفرازات أو دم أو نزول سدادة ،، كان مغص جامد جدا حسيت إن رجلي هتتكسر و عظام الحوض بتتكسر و بالفعل كلمت الدكتور وقالي لازم اروح للمستشفي و كشفوا عليا وجدوا ان الطلق صار أسرع و الرحم فاتح ٥ سم و الدكتور خيرني أولد طبيعي و لا زي ما اتفقنا قيصري و انا اخترت القيصري وبالفعل دخلت غرفة العمليات و أخدت بنج نصفي و ما حسيت الحمد لله بأي ألم لإنهم أعطوني مخدر قبل ما أخد حقنة الظهر و لكن الدكتور قالي أن الرحم فاتح ٨ سم و هيحاول إني أولد طبيعي لان البيبي حجمه صغير وفعلا حاول لكن فجأة نبض البيبي قل لإن الحبل السري كان ملفوف حول رقبته فكان لازم أولد قيصري فورا و فعلا ولدت و جاني ابني حبيبي و لكن كان عنده مشكلة في التنفس فحطوه علي جهاز أكسجين لمدة ٣ ساعات و كمان ابني طلع وزنه قليل جدا لسنه و بالتالي ظهرت الصفراء من تاني يوم من الولادة و دخل الحضانة و لسه هناك فدعواتكوا ربنا يشفيه و يعافيه يارب. وبخصوص وجع الطلق فأنا عمري ما شفت وجع بالطريقة دي في حياتي،، و بخصوص وجع القيصري فطبعا بعد ما البنج النصفي مفعوله بيروح الوجع بيبدأ يظهر و فعلا اول ٣ ايام صعبة لما نحاول نقوم و نمشي ولكن بعد كده الوجع بيبقي اقل يعني يقل بالمسكنات و إن شاء الله موعدي مع الدكتور الاسبوع القادم لإزاله الشاش من علي الجرح. لو حد عايز يسأل اي سؤال أنا موجودة و أرجوكم دعواتكم لإبني يكون بخير و يطلع من الحضانة علي خير و يشفيه و يعافيه من الأمراض يا رب.