يوم الخميس16/11. رحت عالمشفى وكان مقرر اولد قيصرية الساعة العاشرة صباحا. اجيت وكملت الاوراق والفحص ولبست توب العملية وقعدت انتظر يطلبني الطبيب ومعي اهلي وزوجي وام زوجي وبنتي. وللحظ اجت حالات اسعافية عمليات وفوتوهم قبلي وقلي الدكتور انتظري بالغرفة المهم من الساعة ١٠ لل ٢ العصر قاعدة بالغرفة وزاد الخوف والقلق والتوتر وانا قبل موعد الولادة عندي الجنين عالي كتير مانزل بالحوض مشيت وتعزبت ومانزل. المهم كنت اخدة من شهري ٢١ يوم. طلبني الدكتور الساعة ٢ تماما وفتت غرفة العمليات مع نظرات حزن وبكاء امي الله يطولي بعمرا. طلبت بنج نصفي لاني جربتو ببنتي اول حمل حسيتو احسن من العام. اجا دكتور التخدير وحط الابرة بالفقرة الرابعة وماتخدرت وخاف قلي ارتخي لانك متشنجة ورجع حط بالفقرة الخامسة كمان نفس الشي ماتخدرت والوجع موطبيعي واخر شي قاس علو الجنين وقلي طفلك عالي لازم بالفقرة الثامنة وضرب الابرة والحمدلله بعد معاناة الابر تخدرت. وقت التخدير كان 15دقيقة. اجا الطبيب بعد ماحضروني للعملية.وبلش شغلو بس انا كنت بقلهم رح موت وصار ينزل ضغطي لل ٣ ويحطولي بالسيروم دوا ليرفعو كان معي فقر دم قوي وهاد خوف الدكتور اكتر المهم صارت العملية وصارو يدفعو ابني بايديهن وطلعو وكان لونو ازرق شفتو واخدوه ومابعرف شوصار فيني وقتا كنت حس حالي بين الموت والحياة. نضفوني وكملو وكنت اسمع صراخ وبكي ابني وارجع نام وفيق ونام. لحتى طلعوني عالغرفة ولقيت الكل عم يستناني بخوف. الحمدلله والشكر عدت على خير وسلامة والله لا يكتب عزابي وتعبي ووجعي لحدا يارب..