الحمدلله حمدآ يليق بجلال وجهه وعظيم سلطانه انتهت وأخيرآ رحلة وهن على وهن وجبت اميري الله يجعلو من الصالحين البارين بي وبأبيه وأهله .. انا من حوامل ٣٠ اغسطس انا بلشت معي البوادر يوم الخميس طلعت تمشييييت وروحت صار جماع وتحممت بمي سخنه بلش معي الطلق الساعه ٢ بليل بس ما كان منتظم وكان بوجع بس الى حد محتمل ضليت هيك للصبح رحت ع المستشفى حكولي اقل من ٢ سانتي وانو بس ينتظم الطلق ويسير مو محتمل ارجع وطبعآ البكر ساعات الطلق بطول عندها وضليت ليوم الجمعه للساعه ١٢ بليل صار منتظم كل ١٠ دقايق رحت للمستشفى وحكولي لسه ٢ سانتي اعملي حمام سخن وضليييت اتحمل مع انو الوجع شغال بس اكيد مو فوق طاقت الانسان وهون حسيت اني بين ادين ربي ولحد السبت الساعه ٧ صبح كمان صار كل ٥ دقايق بس ما عم يفتح الرحم طلبت الدكتوره بدي عمليه خلص حكتلي لا وضعك منيح ومو مستاهله نعمل عمليه وحكتلي روحي ولا ترجعي الا لو نزفتي او نزلت مي الراس وانو لسه معي وقت ويمكن اضل يومين على هالحال وهون انا ادمرت كيف كمان يومين وروحت ع البيت نفسيتي تعبانه وطبعآ مع الفحص الداخلي حاولت توسعلي وبعد الفحص نزل مني يا دوب وشحت دم بني وبلش الوجع يسير متل النار خلص بحمى حطيت رجلي بمي سخنيه ودهنت بطني وظهري بزيت زتون وحبة البركه مقروء عليهم وادعي واقرأ قرأن والساعه ١٠ ونص نزل مني زي دم الدوره وحست شي فقع ومي وشوي اخضر وسرت استفرغ اخضررررر بعيد عنكم وحماتي تحكيلي يلا خلص ولاده بحكيلها مستحيل انا ما عم يتوسع عندي وضلت وراي لحت اخدتني وبس وصلت من تعب طلق يومين كنت تعبانه ووقت قدام الدكتوره ع الارض بسرعه اجت وبتسألني مالك حكتلها بنزف حطتني بسرير الفحص وبتحكيلي شو عامله انتي بسم الله ما شاء الله فل ولاده خلال اكم ساعه تخيلو من ٢ سانتي وما عم يزيدو ل فل ولاده دخلت غرفة الولاده الساعه ١٢ وشوي وحكتلي الدكتوره كل ما تجي الطلقه دفي متل التبرز اكرمكم الله وطبعآ ضليت ادف لحالي واخر شي صرخت وحكتلها خلص في شي رح ينزل اجت وهي تصلي على النبي عن اردتي وكيف عرفت ادفع شقت شق بسيط ودفعتين واجى حبيبي الحمدلله وما شاء الله نزل هو والمشيمه مع بعض وخيطتني خياطه بسيطه لانو ما شقت كثير الحمدلله و على الساعه وحده و٤٠ دقيقه ظهر كنت مخلصه الحمدلله طولت عليكم بس والله يا بنات كلها تساهيل من الله وانا بالنسبه الي كان اصعب شي الطلق ولا طلعتو مني محتمله وطبعآ كلو بأجر عند الله والحمدلله كنت شاطره وعرفت اتصرف وادفع وعقبال سلامة الجميع وربي يسهلها عليكم يا رب يا رب يا رب