هيلوووو ورجعت لكم بعد عناء 🙄 الي صار اني ما قدرت اسجل دخول بجوالي الجديد وتو تجيني فرصه افتح جوالي القديم عشان اكتب لكم (اشغلني عموري )👶 المهم .. جا يوم موعدي الي حددته الدكتوره تخطيط بما اني اخذت اسبوع من الشهر العاشر و ليوم الموعد ما في اي بوادر ولاده 😭 .. استمريت على روتيني التمارين و المشي و الحمام الدافي و كل حاقه ، رحت لموعدي و يدي على قلبي و الحمدلله كان التخطيط ممتاز و عموري بخير ، يومها خيرتني الدكتوره قالت تبغين ننومك اليوم ولا تجين بكره .. طبعا انا قلت بكره على امل يجيني طلق طبيعي 🙇‍♀️ في نفس اليوم الساعه 4 العصر بدا معي طلق خفيف و صرت احسب له و انتظره ينتظم و بدت المده تتقارب و الالم يزيد طبعا خلال هالفتره كنت اسوي تقنيات التنفس وقت كل طلقه على الساعه 10 مساء قررت اروح المستشفى صار الطلق كل ١٠ دقيق وصلت المستشفى صار الطلق متقارب و الطواري زحمه كل الحريم قررو يولدون ذاك اليوم 🤣 طبعا ي دوبك دخلت فحصو لي قالو ٣ سم مفتوح 🤔 و يالله ما معك الا ولاده ، و طلعوني من الطوارى على كرسي وانا فيني الضحكه لان اقدر امشي 🏃‍♀️🤣 ( وثقت كل اللحظات فديو وانا اطقطق) راح كل الضحك يوم شفت باب قسم الولاده هههههه لان توقعت يودوني غرفتي مو غرفة الولاده ... دخلت و لبست و ضليت اصور و استهبل لين جو ركبو لي التخطيط و اعطوني الابره الشرجيه ، طبعا كل ما جتني طلقه كنت اتنفس (شمي ورده و طفي شمعه ) بعد كم ساعه جو يقيسون لي مره ثانيه قالو 4 سم بس 🙄😭 ، جت قابله تبغا تسوقها علي تقول افك لك موية الراس!!! قلت لا كيف 4 سم و تفكين موية الراس!!! قامت تجاوبني بدون ثقه ولا تتواصل معي بنظر قامطه العافيه صار كل شوي تجي دكتوره تقنعني بطلق الصناعي وانا رافضضضه اشد الرفض و جا اليوم الثاني وانا مكانك سر 4 سم ونص بس ، الي مهون علي ماما معي و زوجي كانو يتناوبون علي يسلوني اعطوني ساعتين امشي لعل و عسا يفتح الرحم وصل 5 وجت نفس القابله الكلبه و قاست لي و فكت موية الراس 👞 على الساعه 12 الظهر بدا الطلق يصير مؤلم اكثر و صرت احاول قد ما اقدر اسيطر على نفسي و اتنفس صح و زوجي يشربني مويه لان جف حلقي من كثر ما اتنفس (يومين اشفط و انفخ هوا 🤣) #زوجي يقول لي ناس جو معك و بعدك ولدو و خلصو انتي شوضعك!! 🤣🤣🤣 ولدي ثقيل حتى بالولاده يتغلى 👶🍼 وصلت الساعه 2 ظهر لمرحلة ارهاااق خلاص وصلت معي و بديت انفس و كل ممرضه تدخل تقول خذي طلق صناعي نص ساعه و تخلصين (وانا راكبني العناد الا امشي على خطة الولاده )🤣 فلاخير وافقت على الطلق الصناعي وقلت جيبوه بس خل نخلص ، هم ركبوه من هنا و قاسو من هنا الا مفتوح 6 سم و دقايق وصار 7 سم ، 8 سم وانا صرت احس دفع و صرت ادفع و اقول لهم خلاص احس دفع هم مو مصدقين انه فتح معي الرحم بهاسرعه يفكروني استهبل و زوجي صار يدق على ماما تجي قبل اولد 😂 و بضبط 20 دقيقه من يوم ركبو لي الطلق الصناعي الا و عموري شرف على الدنيا و اسمع بكيته قليل الادب 👶💕 #للاسففف ان الدكتوره قصت لي العجان ولا قدرت اعترض لان نبض عموري صار ينزل بعد الطلق الصناعي 😭 و لما طلع قالت الدكتوره كان لافف عليه الحبل السري😪 فما كان لي الا اني اقول قدر الله و ما شاء فعل و الحمدلله اهم شي عموري بخير 💕 بس طلع عموري حسيت بشعور غريب و حلووو و ماما تبكي عند راسي وانا اقول لدكتوره هات عموري بشوفه (كل على همه سرى )🙄😂 نظفو عموري ووزنوه و اعطوني ووثقت ماما عموري فديو وهو طالع طازه اهم شي 😍 تقييمي لطاقم في الولاده و المستشفى: الممرضات عسل عسل عسل 💕💕💕 الدكتوره سويت استدعاء لدكتورتي اماني توفيق و ربي يسعدها بشوشه و ووقت الدفع ساعدتني كثير معنويا و صرت تنبهني ادفع صح لان باغتني الدفع فجاه ما توقعت بهاسرعه 🤣 و يدها كانت خفيفه في الخياطه و صبوره رغم الدلع 😂 بنسبة للغرفه اخذت غرفه خاصه و كانو الممرضات يجون يشيكون علي كل فتره و يجيبون عموري لي في اوقات محدده وياخذونه وقت تشييك الدكتوره في الحضانه و يغيرون له الحفاض حتى وهو عندي الاكل بالمستشفى لذيذ جدا لدرجة زوجي يقول امشي نمدد الاربعين هنا 🤣 و مرت علي اخصائية الرضاعه و علمتني عن الرضاعه الطبيعيه و بعدها كمان مرت علي دكتورتي اماني توفيق اليومين الي قعدت فيها تطمن علي نصيحتي لحد يخوفكم من الولاده لان ربي ما اعطانا هالمهمه الا واحنى قدها 💪🏻 .. قبل ولادتي بكم يوم بعض الاهل قعدو يضحكون علي انه كيف تقولين ما بتصيحين من الطلق .. و ماما كانت من ضمنهم .. ويوم ولادتي كان الرد عملي و الحين تقول ما شاء الله بنتي صبوره 😂💕 وسلامتكم .. اي سؤال حاضره حبايب قلبي