مرحبا بنات انا الفراشة السعيدة ازا في حدا بيعرفني من قبل بس ضاع الجوال وجبت غيرو المهم انا اخر دورة 17 مارس ولدت يوم سبت 30 ديسمبر بدا طلق بليل ساعة 12 خفيف قمت مشيت شوي بالحوش لساعة 2 نيمت ابني لصغير وسويت عشا لزوجي وزاد ساعة 3 سوينا جماع قوي وقمت عملت مغطس نص ساعة بمي حار وبلش لوجع ورا بعضو وقوي كتير كلما تجي طلقة قوم امشي وكبر الخطوة وادعي واخدشهيق وزفير وركضت ع المطبخ سويت كوب كبير زعتر بري وامشي وكبر لفشخة وقول (اللهم اجعل الم الطلق بردا وسلاما عليي كما جعلت النار بردا وسلاما على سيدنا ابراهيم) وشوي ويحما طلق وينزل دم قمت حطيت ع النار طنجرة مي حار وفيه مرمرية وغليتهن منيح واخدتن ع الغرفه فسخت ملابسي داخليه وحطيت طنجرة بين رجلي وقربت عليها وخليت البخار يدخل رحم ولله تحملت الحرارة العالية كتير بس المهم يفتح هالرحم بسرعة كان مسكر ولله المهم قمت ولله يابنات حسيت انو راس الطفل بين رجليي وزوجي نايم وصرخ بقوة قوم يافهدددددددددد ولدت وركضنا للمشفا راح حافي مالبس برجلو من الخوف ولله ماعد قدرت ابدن قوم وقف حس لطفل رح ينزل طلعت بكرسي متحرك وركض زوجي فيي ركض ع طوارئ وناس تركض وراه😅😅😅😅😂😂😂 ودخلني عغرفة الولادة وبلشو يصرخو عليه انو سورية انا ولازم اوراق وقوم انا ع سرير لولادة واصرخ خلصونيييي وتفحصني وتصرخ للدكاترا تقول 10 سانتي ولادة ركضو ولله دخلت لمشفا سبعة وربع صبح وولدت سبعة ونص بزبط من قعدت ع سرير بس دفعت مرتين والمرة التالتة طلع راس وولدت سبحان لله بس ولله توجعت الطلق حار وماهدي واجت البنت بالعكس شقتني وعملولي خياط وصار تمزقات عند فتحة لبول الحمد لله ع كل حال ولدت بنت وهاد تاني بطن😘😘😘 بنصح كل البنات لاتعملو شي ابدن بس امشو امشو امشو وكترو جماع وتمر وحمام دافي كل يوم حتا تلدو بسهولةوبس يحما طلق اشربو كوب زعتر بري وحطو بين رجليكن مرمرية مغلية والله يقيمكن بسلامة