تابع لقصة ولادتي ١ ( في ملفي ) بعدها بفتره قصوا الحبل السري وبنتي مازالت على صدري وبوقتها بدت معاناه ثانيه مع الخياطه واحس بكل خيط يدخل وينزل تحملت دقيقتين بعدها ماقدرت قلت لهااحس بكل شي بنجيني تقول عطيتج بنج بس انتي تحسين بيدي!!! شو احس بيدج والله احس بالخيط واحس بكل شي انتظري الين البنج ياخذ مفعوله تقول لي خلاص اخذ مفعول يتهيالج 😱 اتألم وحاسه بكل شي كيف يتهيالي قعدت اترجاها تحط بنج والله من الالم بنتي بتطيح من يدي على الارض راحت نادت ممرضه ثانيه تاخذ بنتي مني واستمرت قعدت ابكي من الالم ورجعت اترجاها قامت راوتني الابره وغززتني فيها الين خلصتها تماما اساسا كانت كامله شي بسيط اللي ناقص منها بعدها ماقمت احس بشي واخذت راحتها بالخياطه شوي بديت افتح وارجع اركز وبديت اسولف وياها واتعرف عليها اكثر كانت الممرضه اردنيه طلعت انسانه محترمه وراقيه ووالله حبيتها من كل قلبي ونسيت اقول اني ولدت ف مستشفى حكومي يعني اثناء الشق يخيطونه فقط خياط عادي ماعندنا تجميلي لكن الممرضه ربي يوفقها ويجزاها خير خيطتني تجميلي مع الخياط العادي واهتمت فيني مضبووووووط والله ما اوفيها حقها وودي اروح المستشفى عشان اشوفها واتشكرها شكر خاص طبعا لما اخذوا بنتي كنت قدام عيني وزنوها وكانت ٣٤٠٠ غرام وخلوها ف سرير جنبي ربي يحفظها طول الوقت ساكته ولما اكلمها احسها فاهمه اني امها بحكم كنت دام اكلمها فترة حملي بعد كل هذا فصل جديد في حياتي مازلت الحين احاول اتأقلم ان فيه احد بحياتي يحتاجني طول الوقت جنبه مازلت اعيش فوضى ماعرف انام ولا اكل ولا اسوي اي شي يخصني لكن مستمتعه بكل شي ونادر احد يساعدني في اهتمامي ببنتي رغم اني ف بيت اهلي لكن الحمدلله على كل حال كل حد عنده ظرف معين يجبرني بالنهايه انا اقوم بنفسي وببنتي وفتره وبتعدي باذن الله اعتذر عن الاطاله كتبت بتفصيل لخواتي البكريات لان انا كنت ابحث عن احد تتكلم بالتفصيل عن تجربتها واكيد تختلف من وحده لوحده ما اتمنى لاحد تشوف اللي شفته واسال الله العظيم بفضله وكرمه يرزق كل وحده ولاده سهله هينه يارب ويتمم على الجميع بخير ويعيننا على حسن تربيتهم ويرزقنا برهم يارب اعتذر مره ثانيه وربي يحفظ الجميع 🌹🌹🌹