السلام عليكم بدخل ف القصه على طووول مع انه مضى شهرين ونص على الولاده بس متذكرتها بكككل تفاصيلها انا عديت التاسع رغم انه قالولي احتمال كبير تصير عندي ولاده مبكره بس صارت متأخره 😅 بعد التاسع بكم يوم قلت مااش خلاص تعبت ولازم اولد اليوم < على اساس انه على كيفي يعني🙃، المهم قلت لزوجي بعد الغدا ابيك توديني بيت اهلي بروح امشي واشد حيلي واولد تعبت من الثقل والالم ،، رحت بيت اهلي اول ما شافتني امي تقولي شكلك متغير وعيونك فيها شي شكلك اليوم ولاده قلتلها مافي اي بوادر وانحبطت وانا انحبطت اكثر منهاا وانا جالسه بيت اهلي واكل من هالتمر واشرب منقوع الزعتر لحد ما كرهت التمر والزعتر ع الليل رحت انا وامي وخواتي مشينا مششيي انهدد حيلي ع الاخر بعد ما خلصت رجعت بيتي خذتلي شور داااافي قريب للسخونه وصار جماع ورجعت خذت شور داافي رجعت انام الا ويجيني ذاك الالم يمسك بطني وظهري قلت يمكن كالعاده يجي مره والا مرتين ويروح بعد ما اتحرك او اغير جهة نومي ،،المهم غيرت جهة نومي ولا راح الالم قمت ومشيت شوي والالم يزيد قلت خلاص هذي ولاده واتصل لامي ونروح المستشفى بعد الكشف قالتلي ان الرحم فاتح ٣ سانتي كان تقريبا قبل اذان الفجر بشوي وراح عني الالم يجيني ع فتراااات وجددا خفيف جات الدكتوره تكشف مره ثانيه ع الساعه ٩ الصبح قالتلي فاتح ٥ لكن راح نركب طلق عشان يفتح بسرعه قلتلها اوك بعد الطلق جاني هذاك الالم نمت على جنبي وانا الالم يهزني هززززز بس ما اتكلم ولا انطق بس اخذ نفس عميق وعاطيه امي الظهر وهي على بالها نايمه كل شوي تجي الممرضه تبي تركب جهاز النبض وامي تقولها اصبري تراها نايمه بعدين تعالي ما دروا ان الالم ذابحني🙂 بعد فتره جات الممرضه تقولي يلاا قومي لازم اركب جهاز النبض انتي مركبيلك طلق ولا جاب نتيجه يمكن البيبي فيه شي انا مغطيه على وجهي يعني ما تشوفني اقولها نادي الدكتوره تكشف ع الرحم وهي تقولي لا مافي ولاده انتي كله نايمه كيف تجي الولاده ومافي طلق اول ما ناظرتها وشافت وجهي كيف صاير وشافت اني ماقدره استحمل خلاص بدفع جات على طول وكشفت ع الرحم شافت الراس خلاص بيطلع وعلى طول تصرخ على الممرضات تعالوا في ولاده لازم نشيلها غرفة الولاده وامي كانت جالسه تواسي البنت اللي جنبي 😂 جايه تركض تقول خيير من هي اللي ولاده انصدمت لما شافتني قلتلهم خلاص انا ما اقدر انزل من السرير انا بولد هنا خلاص ويترجوني خايفين انجرح من السرير لانه مو مجهز لولاده والحمدلله بعد ما وصلت الولاده ولدت على طول قبل صلاة الظهر وجبت احلى بنوته ف الدنياا ولليوم اضحك على امي انا قاعده امووت وهي رايحه تواسي اللي جنبي😂 الله يسهل عليكم يارب وتشوفون عيالكم ف احضانكم وهم بخير وصحه وسلامهه 💕