طبعا في موضوع قبل موضوعي هاد كنت اتخيل فيه كيف راح تكون ولادتي وكانت احلامي ورديه انا من حوامل 14 اكتوبر ولدت من اسبوعين كنت رايحه على موعدي عادي كنت مخلصه التاسع الي يومين عملتلي فحص داخلي وما كان عندي توسع حكيتلها انو هاد حملي الاول بعد اربع سنين ومرتين زراعه حكتلي خلص ما رح نستنى رح نعملك تحريض وكتبتلي على دخول طبعا طلعت لزوجي كان مروح من الدوام لعندي على المستشفى طبعا مستعجل بدو يروح حكالي يلا حكيتلو وين كتبتلي الدكتورة على دخول طبعا هو انصدم هو فرح وهو توتر ما بعرف لانو ملامحو تغيرت حكيتلو بس بديش ادخل هسه نرجع بالليل هو فكرني خايفه وبدي اهرب بس انا روحت جهزت اغراضي وتحممت وعزلت البيت ونمت وطلعنا الساعه سته المسا واهلي اجو على المستشفى طبعا نامت عندي اختى الكبيرة والباقي كلهم روحو وزوجي نام بالسيارة ثاني يوم وهو اليوم المنشود حكولي يلا عالتحريض انبسطت 😂 فكرتو زي ما كانو يحكو البنات هون ادخل ايدها تعمل مساج لعنق الرحم ورح تنزل السدادة وويبلش الطلق بس على مين طلع التخريض عندهم بالون بتركبو لحتى يصير توسع ومن هنا بلشت المعاناة اكلت جميع انواع الالم من تحت وبظهري وبطني وغير نفسيتي يلي تعبت والدنيا كانت شوووووب من الساعه 6 الى الساعه 1 وانا حاطينلي البربيش وما صار توسع غير 2 سانتي 😨😱 حولوني عمليات لبست الروب وركبولي القسطرة واخذوني على العمليات يسعدهم ما احلى جوهم الممرضات حاطات اغاني والجو براد والدكتور بقرأ بكتاب وفي وحدة كانت بتعقم الادوات يلي شكلهم لحالو رعب بس ما كنت خايفه بلعكس انبسطت لانو قربت ارتاح الدكتور عملي تخدير نصفي وما حسيت بشي ابدا بس كنت احس بشد وعشر دقايق الا ابني طلع صوتو وفرجوني ياه وصرت ابكي والدكتور يمسحلي دموعي وربع ساعه كنت طالعه طبعا زوجي كان عامل مشاكل برا لاني طولت وما رضي يشوف البيبي الا لحتى يطمن علي حاليا انا وضعي الحمد لله بشتغل بالبيت وبتحرك عادي والعمليه ممتازة واثرها شبه اختفا لاني كنت استخدملها كريمات خاصه والحمد لله عقبال كل الحوامل يولدو بالسلامه وعقبال كل مشتهي الله يرزقو الذرية الصالحه ب💙❤❤❤❤💙💙💜💙💛💕😘😘😘 اي استفسار انا جاهزة