حوامل ابريل الحمدلله ولدت أمس وانتهت رحلة وهن على وهن عقبال حوامل التاسع ربي يسهل عليهم طبعاً من يوم الأحد الصباح كان فيني إسهال كل شوي حمام وسمعت انه من علامات الولادة 😭 قلت بس جا الفرج وصار بيني وبين زوجي جماع ومن بعدها صرت احس بدفع البيبي مدري كيف احس كأنه بيطلع بس بدون الم اكلت تمر وجلست في ماي دافي اقرب للحرارة بس ماتغير شي☹️ تحطمت حييل ويوم الاثنين من اول ماصحيت حسيت بافرازات شفافة طبعاً الإفرازات كانت معاي من حول اسبوع بس يوم الاثنين صارت اكثر بشكل ملحوظ ونفس الشي دخول الحمام كنت ادخل وبعد خمس دقايق ادخل مرة ثانية كنت احس بضغط قوي عالمثانة بس من كثر مايأست ماتوقعت ان ولادتي مقربة لان من دخلت التاسع والجنين بالحوض بس ابببد مافي بوادر ولادة لا طلق ولا ماي ولا شي الزبدة العصر اكلت أناناس لانه يلين عنق الرحم ويحفز الولادة و بالليل بعد الصلاة رحت نمت وصحيت الساعة ١٠:٢٥ على الم طلق مو قوي كثير ماتوقعت ولادة رحت الحمام وشفت افرازات كثيفة شفافة ومعها خيط بسيط دم وشوي شوي انتظم الطلق كل ١٠ دقايق ودخولي للحمام زاد وكل مرة اشوف افرازات شفافة كثيفة اخر. شي الساعة ٢:١٠ دخلت الحمام وشفت افرازات شفافة مع خيوط دم كثير هنا خفت شوي قلت خلاص هذي اكيييد ولادة🤩🤩 زوجي كان فالدوام ف كلمت اختي ماترد نايمة وخبركم بهالوقت ماحد صاحي لي اتصلت على زوجي قلت دبر لي احد عندي ولادة وماحد حولي😥 اتصل على خالتي ام زوجي وماقصرت جات لي هي وعمي ورحت المستشفى وانا طول الوقت في الطريق اشم حلتيت لان سمعت من البنات انها تفتح الرحم وصلت المستشفى وكشفت علي الدكتورة الساعة ٣:٢٠ قالت فاتح واحد ونص بسسس تحطططمت😭😭 قالت لي بعد اربع ساعات بنكشف ثانية أول ساعة ونص كنت أتحرك وامشي فالأسياب كان الطلق محتمل بس بعدها خلاص ماقدرت امشي ورحت عالسرير وانا اتألم واحسب الوقت متى تمر هالاربع ساعات😥😥 وطول الوقت أردد يا الله يارحمن يارحيم برحمتك استغيث الزبدة الساعة ٧:١٠ جات الدكتورة عشان تكشف وانا اقول فنفسي أكيد الحين فاتح خمسه ولا ستة سانتي الا قالت فاتح ثلاثة ونص بس 😭😭 تحطمت حدي 🌚 الزبدة الساعة ٩ بداأ الطلق يصير حامي اكثر وانا اطلبهم يعطوني مسكن مو راضين يقولون لو عطيناج بيخف الطلق وولادتج بتطول والساعة ٩:٣٠ صرت احس بدفع مع الطلقة صرت اضغط على الجرس جات النيرس وانا اقول لها احس بدفع وهي مو مصدقتني بس نادت الدكتورة وفحصت قالت ١٠ سانتي حسيت كأن ماي بارد على قلبي من الفرحة وانا اقول للممرضة واخيييراً مو مصدقة😭 جهزو للبيبي السرير وجهزوا الادوات والسرير تحتي وكل شي وفتحت الدكتورة ماي الرأس وبدأ الالم يزيد وأحس بدفع قوي قالت لي الممرضة لاتدفعين الا اذا حسيتي بدفع وبس حسيت بدفع صرت ادف وطلع حبيبي ولدي والحمدلله ياربي بعد الولادة الممرضة مو مصدقة تقول كيف هذا ثلاثة سانتي بعدين علطول يصير ١٠😂😂😂 صج الطلق كان أقوى من ولادتي السابقة بس محتمل و ماطولت كثير في الولادة الحمدلله عقبال باقي الكروشات ومعليش نسيت نفسي فالكتابة وطولت عليكم😬