السلام عليكم .. قبل لا اولد بيوم من الصباح النوم ماجاني ابد كنت مره تعبانه نفسيا وجسديا لدرجه اني اترجف وبس ابي انام المهم ع الساعه وحده سويت لي شاي مريمه والحمدالله خف على وصار وضعي طبيعي الين الساعه 3الفجر جاني الم مو طبيعي قلت مغص وابي الحمام بس الم عاده موجود شكيت انه طلق اخذت لي شور حار والم يجي اقل حتى من الدقيقه ويختفي المهم اني سويت حركه (شمي ورد طفي شمع ) الحركه عجيبه صبرت الين 4 ونص قومت زوجي ورحت المستشفى الولاده والاطفال بالدمام دخلت ومن حظي ما كان فيه احد وهذا شي رحمه من ربي طبعا الدكتوره جات وشافت الرحم مفتوح سته ماتدورن وش كثر انبسطت يعني ماراح اطول بالولاده ومن رحمة ربي لي الام كان محتمل وكنت ادعي بس يخف الطلق ربي اجعل ولادتي بردا وسلاما كلما جعلت النار بردا سلاما ع النبي ابراهيم المهم ماخذيت وقت طويل الا بدا الالام اللي يخليني اصراخه من قلب وادفع لتحت و أول مره احس بمويه تنزل وبعدها تعبت والقابله صارت تقول لا شيخه شوفي راس البيبي طلع حطي يدك وامسي راسه و حسيت براسه تحمست ونفس الوقت خفت عليه قالت اهدي واذا جات الام خذي نفس وادفعي انتي ماشاء الله عليك دفعك ممتاز وللي عجبني انه كانت تحط جل وتوسع بيدها الين طلع الراس والجسم وحسيت براحه كثيررر و راح التعب وضميت ولدي من الفرحه ولدت الساعه 6:17 الصباح و الحمدالله من فضل الله تسهلت ولادتي ولا احتاجت قص العجان وهذا شي فرحني وحتى تعاملهم كان جميل الله يعز حكومتنا واتمنى من قلبي ان ربي يسهل لكم مثل ما سهل علي 💞😘 وما نسيتكم من الدعاء