السلام عليكم ورحمة الله وبركاته (ولدت من 5 ايام) بكتب لكم قصة ولادتي لعل البعض يستفيد منها طبعآ هذه ولادتي الثانية اني من حوامل اغسطس كان اخر موعد ولادة لي 20/5 ولدت وباقي لموعد ولادتي اسبوع يعني الحمدلله م كملت التاسع قبل ولادتي بيومين صار يحصل معي الم خفيييف ومتباااعد ويجي ويختفي بعدها صار يحصل معي تحجر بالبطن والم بالظهر كل 15 دقيقة تقريبآ واستمر هالشي معي يوم كامل ثاني يوم الفجر الساعه ال5صباحآ بلش يزيد التحجر والم بالظهر لكن الم محتمل هون بلشت امشي واصعد درج وتحممت بمي سخن واكلت تمر وسخنت حبة البركة مع زيت زيتون ودهنت جسمي صار الالم يقوة لكن بعيد يعني يجي الم قوي كل 10 دقايق ويستمر دقيقه ويروح هذا كلو انى م نزل معي لا سدادة ولا مويا الطفل بعدها رحت للمشفى فحصتني الدكتورة قالت لساتك واحد سانتي ولادتك مطولة اذا بيتك قريب روحي وبس يقوة الالم او يحصل معك شي تعي روحت ع البيت غليت يانسون وشربته وصرت امشي وبس اتعب ارتاح لين صار الالم قوي جدآآ وقريييب واحس بدفع لتحت ظليت شي 4ساعات بالبيت بعدها رحت ع المشفى فحصتني قالت2 سانتي اني تعبت الالم قوووي والتوسع 2😢😢 حطولي مغذي فيه ابرة طلق م طولت شي5دقايق حته قبل م يخلص المغذي صار الم قووي ودفع البيبي لتحت اقوه حسيت شي بيطلع هون صعدوني غرفة الولاده وطقولي مي الراس وصرت ادفع الله يسامحها الدكتورة م عطتني مجال اتنفس خلتني ادفع دفعتين متواصلات دون استراحة لين طلع البيبي بعدها اخرجو بقايا الي بالرحم وخلصت ودعيت للكل الحوامل الله يهون عليهم صدقوني مهما كان الالم قوي كونو ع ثقه انو الله سبحانه م يحمل انسان اكثر من طاقته ومهما سمعتو عن مخاوف الولادة وغيرها كلو تهويل كلشي بيد الله سبحانه وتعالى للعلم انى لا صرخت ولا شي م عملت غير اقرا قران وادعي الله يسهل لان الصراخ يتعبك وما يجيب فايدة والحمدلله ولدت ابني ربي يحفظه يوم 5/13 يوم 19 رمضان