مرحبا بنات كيفكم ان شاء الله بخير بنات انا ولدت بتاريخ 8//11 اول فرحه في عمري بنوته واسميناها ملك رح احكيلكم قصتي 💔💔 لما رحت اولد محدا اجه معي من اهلي لانهن متخانقين هني واهل زوجي المهم اجت معي سلفتي وكانت كل شوي تعصب علي وتقول انا لو محلك كنت والده من زمان وتعصب وتحكي وتقول بيكفي صياح 😔💔المهم ولدت الحمد لله وبعد الولاده صار معي نزيف الدكاتره اضطرو يبقوني بالمشفى عشان يراقبو وضعي وسلفتي صارت تحكي وتتصل باهل زوجي وتقول كنتكم مو راضيه تطلع عاجبها المشفى وانا كنت اسمعها بس ماعندي طاقه اني قول والله بدي اطلع بس وضعي مابيسمحلي ☹️☹️💔وقعت الاوراق وطلعت من المشفى ع مسؤوليتي قالو لو صار معك شي لاترجعي لانو مارح نستقبلك قلت لهم ماشي رجعت ع البيت لا حدا باركلي ولا شي دخلت الغرفه فرشت سرير عشان انسدح وخليت النونو جنبي زوجي قال رح نادي ابي عشان ياذن باذن بنتي قال انا اذنت بس عشان ابي يفرح راح وناداه قال لزوجي مارح اتقرب من بنتك ولارح اذن حل مشكتلك بنفسك وانا صرت ابكي تزكرت اهلي واخي يلي كان يقول انا اول واحد رح باركلك وجيبلك احلى هديه بالكون ☹️💔😔قلت لنفسي ربنا عطوف وكريم ان شاء الله بنلتقي وبعد شوي دخل عمي كان معصب اطلع عليي وراح وكانت ببيتنا اخت زوجي حضرت اكل حطت الاكل جنبي وطلعت وانا صرت ابكي يومين ماني اكله شي كيف بدي اكل هالاكل استغفر الله هي نعمه الله بس انتو بتعرفو اكل يلي ولدانه من كم ساعه 😔راحت ع بيتهم اخت زوجي عشان شغل البيت وبقيت وحدي ومع العلم نحنه متكونين عمي واخوان زوجي 3 وانا وزوجي المهم من بعد ماراحت اخت زوجي عمي قال يلا قومي حضري اكل ونضفي البيت زوجي قال مابتقدر قال والله انا يلي بحكي بهالبيت لازم تنفذو قمت كملت كل شي بس لو موت افضل من هالالم يارربي محل الغرز بيالم كتير عندي 25 غرزه يادوب اقدر اتحرك كل شي عليي البيت والنونو انا كنت مفكره لما اولد رح يباركولي الكل ويجيبولي اطيب الاكلات حتى اخوان زوجي ماباركو ولا عطو هدايا مابقول شي غير حسبنا الله ونعم الوكيل طولت عليكم اخواتي بس والله من قهر قلبي كتبت هالموضوع عم اكتب وايدي عم ترجف من الهم والقهر بنتي شو ذنبها لسه عمرها كم يوم وكل شوي عم يعيبو عليها ويعيبو ع اسمها حسبنا الله ونعم الوكيل ادعولي بنات ربي يفرج همي 💔💔💔😔☹️😔☹️