القصه طويله لكن للعظه والعبره واي استفسار انا جاهزه انا بعد زواجي بثلاثه شهور حملت خارج الرحم وظليت اكثر من سنه اعالج منه كان اخر شي عملته اشعه صبغيه للرحم عشان نتاكد من سلامه الرحم والانابيب وكان هذا بعد اخر دوره لي برمضان انا اصلا من حملت خارج الرحم وانا دورتي مو منتظمه فكنت ماشيه بالفحوصات ابي اعالج لخبطه الدوره والحمل الخارجي وعشان برضو احمل المهم بعد هالاشعه رحت عندي موعد بشوال وعملت لي تحاليل وقالت مافي حمل ( طبعا كان 10/11 ) يعني قبل ماكمل شهر ع اخر دوره وطلع مافي حمل ويومها اكتشفت الدكتوره ان عندي كسل بالغده الدرقيه وبديت اخذ حبوب الثيروكسين من 10/20 قوته 25 وكتب لي حبوب منظمه للدوره (منع حمل ) لما تجي الدوره الجديده انتظرت لين شهر 11 ماجاتني دوره وماستغربت تاخيرها لان الدوره تظل شهرين ثلاثه ماتجي جاء ع 17 كذا كنت احس بالم الدوره وبالعاده انا اشرب اعشاب تساعد بنزولها لكن قلت بعمل تحليل لعل وعسئ يطلع حمل قبل اخاطر واشرب اعشاب ويوم 11/20 عملت تحليل منزلي وسبحان الله طلع خطين وطرت الصباح ع المستشفئ عملت تحليل دم وطلع حمل اكيد وعملت اشعه قالو مافي جنين بس كيس تعالي بعد اسبوعين انتظرت اسبوعين ع نار ولما عملت اشعه قالو الحمدالله في جنين ونبض بس ماعرفنا وقت حصول الحمل لانو حصل حمل متاخر فمشت الدكتوره ع كلام السونار فمره يقدم حملي ومره ياخره المهم مشت الايام وكل فتره اروح اتطمن لين حصل في يوم بالشهر الرابع نزيف ورحت للمشفئ طلع عندي نزول بالمشيمه وعطتني حبوب مثبته واستمريت عليها وبالشهر السادس رجع عندي نزيف فكتبت لي الدكتوره ابر مثبته اسبوعيه بجانب استخدامي للحبوب المثبته وظليت اتابع المشيمه لين ولله الحمد ارتفعت معي بالشهر الثامن وبالقوه وقفت لي الدكتوره المثبتات ولما دخلت التاسع عملت دكتورتي اخر الفحوصات والاشعه وسلمت لي الملف عشان اولد بمستشفئ عام وحددت لي موعد ولاده وقالت ممكن يجي ولاده قبله او بعده بكم يوم ومر هاليوم ماجاتني الولاده وانتظرت ماجات ورحت مستشفئ عطوني مهله كم يوم اذا ماولدت بيعطوني طلق صناعي واروح مستشفئ ثاني مرتين وكل مره يكتبو تنويم واطع ع مسؤليتي لعل وعسئ تجي ولاده رحت بعد عشره ايام من تاريخ ولادتي المحدد لدكتورتي المتابعه عندها وانفجعت اني باقي ماولدت وقالت خذي يومين بالكثير اذا ماولدتي روحي اعملي طلق صناعي لان البيبي ممكن يتبرز ببطني وتحصل مشكله وفعلا رحت للمستشفئ وقلت لهم قصتي فكانو معتمدين ع اشعه دكتورتي بالخاص فمره يقولو باقي بالتاسع ومره يقولو طوفتي وبالاخير كتبو لي تنويم وقررو يعملو طلق صناعي ع حساب الدكتوره ولا العلم الاكيد لحملي عند ربي وحده المهم تنومت بالمستشفئ يوم السبت 8/12 وقت العصر وقالو بنعملك طلق بكره الصباح كان لما رحت المستشفئ مو نايمه زين وظليت مانمت لين جاء الصبح وجاء الدكتور وعمل لي اشعه وقالي خلاص يلا بحط لك الطلق وخلوني اوقع ع الموافقه حط لي الدكتور طلق وكان تحميله الساعه 10 ونص وقالي ساعتين لاتتحركي مرت الساعتين ولما جاء الساعه 1 ونص بدأ يجي مغص وكل مره يشتد بديت ابكي منه وقمت بالقوه انادي السستر الساعه 3 تقريبا جات السستر والدكتوره قاست الرحم طلع فاتح 3 سم وقالت يلا غرفه الولاده دخلت الغرفه قرب الساعه 4 وبدو يجهزوني للولاده وحطت التخطيط ع بطني وهنا كنت بموت منه لانه ضاغطني فوق الالم الي فيني وحطت لي اكسجين ومغذي وابرتين وحده قالت ضد التطريش والثانيه كانت بالورك مسكن ومن حطت هالابره وبدأ راسي يثقل واحس بيغمئ غلي والالم واصل لاخرر حد وكنت اصارخ وكل دقيقه يزيد الالم وهم يكشفون وانا خلاص بموووت واصرخ وجات الدكتوره وقابله و2 سستر وبدو يقولون يلا ادفعي ويحاولون معي وانا اصرخ اقول ولاقدرت ع الدف كثير ويحاولون معي مافي فايده وانا خلاص بتجنن صرت اقولهم حرام عليكم وهم يخاصموني وش سوينا لك وحتئ ضربت سستر بكتفها من غير احس وعصبت عليه بس اعتذرت منها لانها ضغطتني بقوه وكنت اطلب منهم اي شي يصحصحني لان كنت احس يغمئ غلي واصحئ وراسي ثقيل وهم يصرخون يلا دفي وانا احاول لكن بدون فايده كنت اقولهم انا مو مركزه تكفون ساعدوني والدكتوره ثلاث مرات تحاول وتطفش وتقوم ولاخر لحظه كانت بتوديني عمليات قلت لها تكفين عطيني اخر محاوله ورجعت لكن هالمره ماقالت لي دفي وانا شبه مغمئ علي وماحسيت الا حطت الولد ع بطني كان الساعه 6 ونص المغرب وانا لما شفته جلست ابكي بهستيريا ولاحظت راس البيبي فيه شي دائري احمر عرفت انها سحبته صرخت عليها وقلت ليش تشطيه حراااام هذا الحهاز يأثر عليه وهنا عصبت علي لا مايأثر وانتي مو راضيه تساعدي وشفتها بدت تخيط المكان وهم اخذو الولد بعد ماخلصت خلوني تحت الملاحظه 3 ساعات ثم رجعوني للتنويم وكان وقتها الساعه 9 ونص تقريبا انتظرت يجيبون البيبي عندي لكن ماجابوه وكل شوي اسال عنه يقولون بعد شوي لين جاء الصبح وانا انتظر وطبعا كل ذا الوقت مانمت ومكمله 3 ايام بدون نوم سالت السستر الصباح وين ولدي ليش ماجابوه قالت مادري روحي الحضانه وشوفيه مسكت نفسي غصب ومشيت بالامي لين عندهم ودخلت وسالت عنه قالو البيبي مايرضع ويمكن يضل ثلاث او اربع ايام عندنا انا كتبو لي خروج العصر لكن ماجاني الدكتور ولا حد شافني من خرجت من غرفه الولاده طلعت العصر من عندهم ورجعت لهم بعد يوم اطمن ع الولد قالو الحمدالله رضع لكن عنده مشكله بالراس من اله الشفط سببت له نزف براسه وبيعملون له رنين مغناطيسي باليوم السابع او العاشر جالسه انتظر الاشعه ويارب تطلع سليمه