اخر دوره لي 25 /12 وولدت 28/09 اخر اسابيع من الحمل كانت نفسيتي تعبانه من الالم والثقل واللي تعبني اكثر ان ف كل موعد الدكتوره كانت تقولي الجنين مانازل فالحوض وبكلامها حسستني ان الولاده تتاخر اذا الجنين مانزل فالحوض.. بعد المغرب مثل العاده طلعت المنتزه امشي ربع ساعه وكنت احس بتحجر مابين فتره وفتره والالم ف الظهر يجي ويروح مثل كل يوم ..المهم خلصت مشي ورحت طلبت عصير اناناس رجعت البيت رتبت امور المدرسه ورحت اسبح بماي دافئ بس لاحظت ان عندي افراز خفيف باللون الوردي الفاتح وما اهتميت خبرت زوجي يعملي مساج لظهري عشان يخف الالم بس ماكان يخف ولا جا ف بالي انه طلق لاني كنت اعاني من نفس الالم من فتره حاولت انام بس ماقدرت وكان هذا الساعه 10 ونص حسيت الالم يجي يروح كل. 5 دقايق وفجاه نزل ماي شي بسيط قلت اقوم اتاكد اذا دم او لا ..اول ما وقفت نزل ماي دفعه قويه وصرت ارجف من الخوف والالم صار اقوى خبرت زوجي وامي ورحنا المستشفى ع طول وصلنا س12 ونص وكان الماي ينزل ماتوقف اول مافحصوني كان الرحم فاتح 7 ماشاء الله و ع طول ودوني غرفه الولاده قلتلهم بمشي ما اريد كرسي وكله كنت اتنفس ولا اصرخ تنفس شمي ورده طفي شمعه ولما وصلت الالم زاد اكثر يعني بين الطلقه والطلقه ثواني بس.. ربع ساعه وبديت احس بضغط ناديت الممرضات ولما فحصوا طلع الرحم مفتوح كامل بس الجنين مانازل ف الحوض كامل .. بديت ادفع لين الحمدلله نزل البيبي بس ماصاح وكان لونه ازرق طلعوا منه الاوساخ وبدا يصيح وخلوه ع صدري الحمدلله ارتحت كثيييير شعور حلو وانا احضن حبيبي الغالي ولدت الساعه 1:40 يعني الالم استمر معي 3 ساعات ونص والحمدلله ولدت.. والحمدلله انتهت رحله وهن على وهن ..وعقبال البقيه