السلام عليكم ورحمه الله بسم الله ماشالله ولاقوه الا بالله الله يكتب الاجر لكل وحده دعت لي الله يرزقها يارب ولاده سهله ويبارك يارب . . قصه ولادتي انا بكريه من حوامل سبتمبر ٢٧ سبتمبر انا ولدت في لندن . طلبت ابره الظهر ( نعمه من نعم الله ) دخلت الساعه ١ الظهر وبدئو بالاجرائات قياس الضغط وسحب عينه دم وجدت دكتوره الابره الظهر اوجعت شوي بس معليه كلو يهون وبعدها فتحو مويه البيبي السبب ( لان رحمي مفتوح بس اصبع + عنق الرحم طري ) فقالت خلاص فتحت المويه وسوت مساج لعنق الرحم ماحسيت بالم لاني مخدره بعدها صارو يراقبون الجهاز ونبضات البيبي كنت اطلب مخدر كل ساعتين يعطوني في يعبون ابره الظهر ويشوفون الطلق والتقلصات لين جت الساعه ١٢ الليل بديت احس بتقلصات واقولهم بس ماصارو يزيدون المخدر عشان لا اتخدر من تحت تخدير كامل ومااقدر ادفع ( بنات ابره الظهر ماتحسين بتقلصات بس لما يصير في دفع البيبي ترا بتحسين وبتدفعين بس سبحان الله الم خفيف ) المهم جت الساعه ٢ قاست رحمي ٤ فتح قالت عندك وقت للصبح ولاده تعبت صراحه خصوصا قعدت استفرغ كثثثثير حتى المويه استفرغها مافي سوائل تجلس بجسمي مافي طاقه ومااقدر اكل فقدت كل طاقتي المهم جت الساعه ٣ صرت اقولهم تعبانه عطوني مخدر ابي اروح الحمام احس بدفع قالو لا باقي قدامك وقت الجهاز مبين عادي في طلق وتقلصات بس انا احس بدفع وقمت الحمام واتوووجع اقولهم احس بتقلصات والدفع دكتورتي بدات تشك اني بولد وطلعت من الحمام سدحوني قالت خليني أقوس وقاست الا ١٠ مفتوح خلال ساعه من ٤ الى ١٠ ( ماشالله تبارك الله ) اللهم لك الحمد يارب فجاءه الغرفه تستعد للولاده وانا جتني زي اللي مو مصدقه صدق الحمدالله يارب الله يعلم فيني بو طولت للصباح ممكن مااقدر ادفع ابدا علموني كيف ادفع ودفعت ٥ مرات اخر دفعه تعبت أكسجيني نفسي خلاص انتهى شقت الدكتوره وشافت راس البيبي ودخلت جهاز الشفط جهاز يدوي صغير راسه دائري وسحبت حبيبتي بنتي ماطولت لانها كانت قرررريبه وصدق صدق صدق احساس ولا اجمل منه لما تشوفيها تطلع منك وتجي ع صدرك يااااااالله يارب ترزق كل محرومه يارب وتهون ع كل حامل يارب بعدها خيطتني والله الحمد عدت سهالات بنتي وانا بخير الحمدالله للامانه اللي تولد بدون ابره الظهر انا اقول الله يكتب اجرك اضعاف لان بعد تجربتي الابره نعمه نعمه نعمه لاني حسيت بتقلصات لما قربت اولد هذا وانا بمخدر اجل لو بدون يالله ياكميه الالم اللي بتكون . الحمدالله حمدا كثيرا مباركا فيه . . . . عندي سوال بعد الولاده لما نزلت غرفتي تنزل مني مويات مويات مع الدم قالو طبيعي وبدا جسمي ينزل الحمدالله بعد النفخ المهم لي ٤ ايام البول مااقدر أتحكم فيه امسكه لما اروح الحمام ينزل ع طول نصائحكم وش اسوي كيف اقدر أتحكم بالمنطقه ولا طبيعي لان دوبي ولاده .