مرحبا. بنات كيفكم ان شاء الله بخير انا امبارح ولدت كانو يقولو لو ماولدتي بهال3 ايام رح نعملك قيصري وانا ماضل اشي وماجربتو عشان يفتح الرحم بس للاسف عزبني كتير الطلق ومافتح الرحم يوم السبت كنت نايمه وع الساعه 6 الفجر صحيت ع الم بطن وضهر رحت ع الحمام وانتو بكرامه نزل مني افرازات بنيه وجاني مغص قوي المهم الالم صار يجيني كل ساعتين رحت كملت شغل البيت صار الالم كل ساعه صار المغرب وبدت الافرازات تكثر والمغص يقوى تحملت لاني عرفت لسه بكير ع المشفى رحت تحممت وطلعت اكلت شويه رطب ورحنه ع المشفى قالو التوسع سانتم ونصف عملت الفحوصات والدخوليه ع المشفى وكانو يراقبو الجنين حركاتو ونبضو صارت الساعه 8 اجت الدكتوره المسؤوله عن الولادات فحصتني قالت 2 سانتم ونصف عطتني طلق صناعي وصار الالم كل 20 دقيقه وكنت استغفر وادعي ربي لبين ماصارت الساعه 1 ضهر حسيت رح موت وتحملت وتحملت للساعه 3 الالم صار كل 3 دقايق الساعه 3 وربع صار الالم كل دقيقين طقو ميه الراس وهنا صار الام ورى بعض بدون ايه راحه وحسيت شي عم يدفع وصرت عيط قلت للدكتوره رح يطلع حولوني ع الصاله قالو ادفعي هنا ماصار عندي طاقه دفعت دفعه بين راس الجنين اخدت نفس الراس فات لجوه 😥وهون صرت خاف بعدين قلت يا الله ياالله يا الله وصرت ادفع وادفع لبين ماطلع الراس وهون كانت المصيبه ماعاد فيني اتنفس حطولي اوكسجين لانو عندي ربو والدكاتره رح يجنو وعم يقولو ادفعي وعملولي شق كتيير كبير وهون صار التنفس طبيعي وصرت ادفع ادفع لحتى طلعت بنتي الغاليه ملك ياربي احلى شعور بالدنيا سمعت صوتها وهيه تبكي قلت جيبوها لعندي قالو حالتك خطره خليها خيطوني وكملو رحت ع صاله الاستراحه صار عشر دقايق جاني نزيف قوي فاظطرو انو ينظفوني ويخيطوني مره تانيه الحمد لله ع كل حال لما شوف بنتي انسى الدنيا ومافيها دعيت للكل والله كل محتاج وكل حامل وكل مهموم ومغموم هي قصه ولادتي ❤️❤️❤️❤️❤️وعقبال كل حامل يارب