يوم ولادتي من اصعب الايام الي مرت علي تعبت كتير منها بلش معي وجع على الساعه 7:25الصبح اول ما صحيت من النوم حسيت حالي ممغوصه وبدي افوت الحمام بصراحه ما توقعت هاد هو الطلق لانو وجع جديد علي وكمان ما بيشبه التحاسيس العاديه الي بتروح وبتجي ضليت صابره وحكيت يمكن اخده برد لحتى بلش الوجع يزيد والمده تقل بيناتهن لصارت كل كم دقيقه ومن قوتها ما اقدر اوقف رحت على المشفى وهونيك فحصوني كان معي طلق قوي واول شي 4 سانتي وبعدها نزلت ل 2 ونص تقريبا حكولي يا برجع على البيت او باخد ابره ظهر للوجع او اتمشى شي ساعتين بلكي بتزيد الفتحه ضليت اتمشى ومع المشي كان الي عم يزيد الوجع كل دقيقه تنتين يبلش وقوي كتير اخر اشي ما قدرت اتحمل وقلتلهم بدي ابره الظهر لانو الفتحه عم بتزيد بس ببطئ نقلوني على غرفه الميلاد اخدت الابره وما بتخوف ابدا بس انتي انتبهي تتحركي وانتي عم تاخديها وبس كان عم يحمى الطلق بس لانو ماخده الابره ما حسيت بشي بس بتحسي بضغط بالجزء الي تحت بسبب البيبي فحصتني ولقيت صارو 7 سانتي وانبطت المي معها وصارت 5 سانتي وضل ينزل الدم والميه وترجع تفحصني ما تلاقي تغير اشي وقالت لانو بكريه ممكن كل ساعه تزيد سانتي وضليت ناطره فرج الله فحصتني اخر شي صارت 6 سانتي طبعا بعد ما حطت طلق صناعي لينظم الطلقات فجاه اجت الدكتوره ووقفت الطلق الصناعي وحطولي اكسجين لانو قلب الطفل بلش يضعف وقالولي لا تخافي كل شي منيح يمكن بعد شي ساعه ساعتين اجى الدكتور وفحصني كأنو عم بيولدني فوت كل ايدو وبعدها بشوي حكى لجوزي يضغط على زر ابيض وما نخاف من صوتو وهيك اشيا لما ضغط جوزي اجو دكاتره كتير وومرضين وقال الدكتور لازم نعمل عمليه ضروري لانو حبل السره ملتف على رقبه البنت وايدو لساتها جوا جسمي عم بيضغط وبيمنع انو تختنق حسيت حالي عم بموت ونقلوني للعمليات بعد ما وقعت كميه اوراق وكلهم كانو عم يشتغلو بنفس الوقت الدكاتره والممرضين والدكتور لساتها ايدو ماسكه راس البنت وبنجوني ونمت وانا عم اقرا قران ما صحيت الا وانا والده وسالتهم اذا ولدت ووين بنتي بعد ساعات من الولاده وبنتي لساتني لهلا ما لمستها ولا حضنتها ولا حتى رضعتها لانو ما مسموح حد يقرب منها عم يعملو فحوصات وحاطين عليها ادويه واكسجين لحتى ما يضر عليها نقص الاكسجين الي عانت منو ولدت بعد 14 ساعه معاناه والحمد لله على كل حال الله يفرجها وما يحرمني منها