الحمد لله عكل اشي
مشكلتي ووضعي انه ولدت قبل شهر ونص
ومن اول من ولدت للان مكتئبه و وضعي النفسي جدا تعبان
بفكر باشياء سلبيه و سيئه
المشكله الاكبر بحس اني ما بحب بنتي
😭😭😭😭😭😭
بتمنى ما حدا يبهدلني وانه في ناس مشتهيه ريحة طفل لاني بعرف هالحكي بس ما بعرف شو مالني
وهذا الشعور راح يقتلني ...مع العلم انه فترة الحمل كان طاير عقلي فيها وبستنى اليوم اللي اولد فيه والان ما بعرف ليش هيك بحس
جربت كل اشي ... اجت امي عندي اسبوع فترة النفاس ..ورحت عند دار عمي اسبوع
وطلعت مشاوير لاغير نفسيتي والوضع ما تحسن
حكيت ل زوجي واختي نفسيتي تعبانه و لازمني اروح ع طبيب نفسي ما ردوا علي وحكولي كبري عقلك
حاس حالي ب متاهه
وما بقدر احكي كل اشي ل زوجي لانه راح يعايرني فيها لبعدين انه انا ما بحب بنتي
امانه تساعدوني
العضوة: 104674 , 8 years ago
بسألك كم سؤال وانت تعرفي ايش تعملي بعدها حبيبتي.. 1 تحافظين على اذكار اليوم والليله؟ 2 هل تكثرين استغفار وتسبيح وتهليل؟ 3 هل لك ورد يومي من القران؟ 4 تعوذين مولودك وترقيه بالرقى الشرعيه؟ 5 تصلين بالليل والناس نيام وتطلبين ربك يبعد عنك الشيطان وبلاياه وعيون الحاسدين وشر الاشرار؟ 6 كم مره تصلين عالنبي باليوم؟ عزيزتي..كلنا مانعمل هالاشيا وبعدها نشتكي من حالات الاكتئاب والنفسيات والضيقه.. ناهيك عن غذاءنا اكثره غير سليم وغير عضوي..محسن كيميائيا ويجيب الاكتئاب والمرض..يعني الغده وفيتامين د والامساك وغيرهم كلهم يجيبوا اكتئاب.. والاسباب كثيره لكن تجبرها سجده لرب العالمين ودمعة مفتقر لله.. ودمتم بحفظ اللهالعضوة: 111044 , 8 years ago
@user-88100 قرئت كل تعليقاتك الله يهونا عليكي لازم تفرحي ببنتك هي بكرك ولا تخلي حدا يأثر عليكي و رضعيا و حبيا حررام هي شو ذنبا غدة بتضحكي عحالك تئولي شلون انا كنت هيك افكر الواحد بيمرء بظروف صعبة و بصير عليه ضغط من كل يلي حوليه بس لازم يكون ايمانه برب العالمين كبير ولا يستسلم وكلي امرك لله ماخاب من قال يا الله لا اله الا هوالعضوة: 88100 , 8 years ago
@user-104674 حاولت التزم بالاذكار والرقيه الشرعيه بس ما قدرت وصرت احيانا احلم كوابيس ان شالله التزم فيهم واتعوذ من الشيطان بعرف اني تشكونت كثير بس الاشي اللي زاد الوضع سوء عندي هو شكل بطني وكرشي بعد العمليه والاسوء من هيك انه الكل يسالني عن بطني و حتى سلفتي ولدت قبل سنه تقريبا ب عمليه و بحسها تقاهر انه بطنها رجع مسطح مثل ما كانت من قبل ...حتى لما شفتها فرجتني انها لابسه جينز ضيق ع قد الجسم وكيف انها نحفت وهي بالاصل نحيفه من قبل الحمل والولاده صارت تتباهى قدامي يعني اتحمل مين ولا مين زوجي ولا حماتي ولا سلفتي حتى اهلي احيانا بيضغطوا علي 😢😢😢العضوة: 104674 , 8 years ago
@user-88100 ترا الحياة كلها مصاعب ومحن وفتن..ولو جربتي تفتحي بيوت الناس وتتطلعي على اسرارهم يمكن تحمدي الله مليون على حالتك... مجرد ضغوطات الحياه هي اللي فيك.. بكرا بيمرء الوقت وتكبري وتضحكي على نفسك كيف كنتي مكبره الموضوع وعاطيتو اكبر من حجمو.. والناس مهما حكوا فمابيغيروا بالواقع شي..فخليك من كلامهم ولاتاخذي وتعطي معهم..ولاتتكلمي عن الخصوصيات.. اهتمي بزوجك وصدقيني مابيشوف غيرك حتى لو كنتي دبه..وياما نسوان رشاقه وجسم وجاذبيه وهن متطلقات وياما نسوان لاجسم ولا جمال وسمرات وهن عند ازواجهن ملكات جمال..المقياس والمعيار مش عندك كرش..الشطاره مش هون..افتحي حساب زكى بالانستا وبتتعلمي كيف تحمي وتحافظي علاقتك الزوجيه..العضوة: 88100 , 8 years ago
@user-104674 بعرف الشكل مش كل اشي بس بحس حالي كثير تغيرت من ناحية جسمي شو اسم الحساب عالانستغرام ؟؟؟العضوة: 121807 , 8 years ago
بدّي احيكلك اشي كتير مهم اول شي احمدي الله قمتي سالمه انتي و بنتك وتاني شي شعورك طبيعي وتقريبا كلنا حسينا فيه بس الأهم انو تتذكري انو انتي هلا عايشه علشان بنتك و بنتك بتستنى منك الحنان و الحب وكل شي حلو من أمها فكري بالاشياء الحلوه وفوتي عاليوتيوب شوفي كيفه التعامل مع الرضع وبعدين ع اَي اكتئاب بتحكي بعد ما شفت بنت عمتي الي زرعت بنتها زراعه و بالشهر التاسع و هي تولد التلف الحبل السري ع رقبه بنتها و توفت تخيلي شعورها وأحمدي الله مليون مره بعد ما شفت بنت عمتي صرت استحي احس بالاكتئاب لانو هي كانت صابره ما شاء الله وما فقدت الأمل و بدها تزرع كمان مرهالعضوة: 100091 , 8 years ago
@user-88100 لاتخافي صارلي مثل قصتك ودائما ببكي وصارلي شهرين والدة والحمد لله حاسة حالي شفيت شوي هدا من الولادة انا كمان حماتي بتدخل بس تقول شي ببكي على اقل حاجةالعضوة: 104674 , 8 years ago
@user-88100 اكتبي زكى وبتطلعلك ..حسابها مقفل ضيفيه وبتفتح لك..كاتبه بالتعريف اسمها وانها استشارية سيكولوجي الرجل.العضوة: 88100 , 8 years ago
@user-121807 صدقيني بخجل من حالي وبحس بالذنب لما اسمع هيك قصص وهذا الشعور راح يقتلني انه ليش هيك بحس الحمد لله عكل حال وان شالله تمشي الامور ع خيرالعضوة: 88100 , 8 years ago
@user-100091 لما كنت ابكي اول فترة النفاس ضلت حماتي تعلق علي وصارت تحكي بدنا نسميكي دميعه و صارت تتقصد تجرح مشاعري و تحكي كلام مشان ابكي تخيلي ... لما اجت اختي زياره عندي كنت رايقه وما احلاني اجت فتحت موضوع البكاء واني حساسه قدام اختي وخلتني ابكي والاشي االي قهرني انه كانت تحكي لاختي ليش بعمل هيك واني قتلت حالي عالخلفه واختك بتحلم كوابيس من زمان ولا لا ؟ حسبي الله ونعم الوكيل صدقوني صارت مواقف كثيره وهاي جزء منها تخيلوا لما اهلي يجيبوا هديه بتضل تعيب عليها وتطلع فيها مية عله وانا ما الي خلق ارد عليها بسمع وبطنشالعضوة: 95936 , 8 years ago
@user-88100 وضعك عادي أنا لسا ما ولدت والطبيبه حكتلي لا تتفاجأي إذا حسيتي إنك تكرهي أبنك أو تعبانه منو أو ما بدك تشيليه وتلعبيه قالت هذا الشي طبيعي يصير بسبب تغير الهرمونات أنا بنصحك إذا عندك قدره شوفي طبيب نفسي وإن شاء الله ترتاحي حاولي تخلي جوزك يعينك ويساندك ليش ما أخذ إجازه لما ولدتي وميشان جسمك إذا أول ولد كل شي يرجع لطبيعتو إن شاء الله وفيكي تبدأي رياضه بعد شهرينالعضوة: 121807 , 8 years ago
@user-88100 لازم علشان متقصده تهز مشاعرك و تبينك ضعيفه او مريضه لا سمح بينيلها العكس وأنك صرتي منيحه وعال العال وشوفي كيف رح تصير نفسيتك تمام ما تحطي الاشياء السليبه في عقلك فهمتي علي ارتاحي و اعملي الاشي الي بريحك و ما تردي ع حدا غير راحتك بهالفترة ما في شي مهمالعضوة: 88100 , 8 years ago
@user-95936 ما رضي زوجي اروح ع دكتور نفسي وحتى اختي عصبت وما عجبها لما حكتلها وبتحكيلي كبري عقلك زوجي اخذ اجازه لما ولدت بس ما استفدت لانه امه ضلت عندنا وهو كان بس بده يرتاح ما حسيته قريب مني هذيك الفترهالعضوة: 88100 , 8 years ago
@user-121807 مهو كنت كثير ضعيفه بهذيك الفتره وحسيتها تتقصد تأذي مشاعري يعني ما حدا راعى وضعي انه صابتني حساسيه حمل وصليت احك كل جسمي قبل الولاده ما ارتحت ووجع الطلق الصناعي و بعدين قرروا عمليه كنت تعبانه نفسيا وجسديا وما حدا حسالعضوة: 101491 , 8 years ago
@user-88100 هههههههههههه ياحبيبت قلبي اتعوذي من الشيطان ثاني شي حاس فيكي انا طولت لما حملت بنتي البكر وكنت كتير فرحنه بحملي متل شعورك وبس ولادتها من اول يوم صرت ابكي لا امي ولا زوجي مابدي اياها وما كنت حاس بحنان من نحيتها وصباتني حمة نفاس كئابه ومرضت وصرت احكي مستحيل أحمل أو افكر بالخلفه تاني مره ولاكن بعدها ولادتي بشهرين ولله الحمد. صرت اموت فيها وما انام الليل من خوفي عليها وهلاء عمرها 3 سنين الله يحميها مابقدر انام ازا مابتنام جنبي واطمن عليها بتزكر مره اختي وامي اخدوها تنام عندهم لانو كنت مريضه وكتير تعبانه مانمت الليل وانا ابكي بدي بنتي وابكي لازوجي يروح يجيبها مع انها عند اهلي لا تخافي بكره كل احساسك بيتغير وبتصيري تضحكي لما تتزكري هاي الايام ادعي ربنا يحنن قلبك عليها الضنه غالي