السلام عليكم الحمدالله على منه وفضله اللي تمم علي بخير وكل الحوامل اللي بشهري ولدوا قبلي او بعدي واللي لسى ماولدوا قرب الفرج😍 انا من حوامل 4شعبان/ابريل ولدت يوم الاثنين الفايت الحمدالله وكل يوم بكتب قصتي وانشغل والا اكون تعبانه وأأجلها بس قلت لازم اكتبها لاني استفدت كثييير واستمتعت كثيير بقصصكم خاصة المحفزه😍 اول شي نزلت معاي السداده وكان لونها فاتح بدون دم قبل اسبوع من ولادتي ونزلت موضوع استفسر فيه عنها يوم السبت قلت برتب الصاله ودفيت الطاولات بس ماكانت ثقيله مره ورحت انام الصباح نزلت معاي افرازات غامقه ومعها دم واستمرت فتره عرفت ان ولادتي قربت بدا الماغص معاي بس كان نفس الطلوق اللي تجيني من الثامن خفيف فقلت اجهز الاشياء اللي قريت عنها انها تسهل الولاده هذا وقتها وقربت الشنطه نقعت حلتيت حبيب قلبي 💘 وكمان مره عشان الشمم شربت شوي زيت زيتون وسويت يانسون حليته بعسل واكلت 7 تمرات وانا اجهز شغلي اقرفص بعدها طلعت امشي يمكن 10 دقايق مدري في حملي هذا مالي نفس ابدا ع المشي واللي موّت حيلي اكثر لما قالت رولا قطامي ان المشي مايساعد قد التمارين رجعت البيت هالكلام يمكن العشا رجعت البيت واخذت حمام ساخن وطولت شوي بالحمام وبعدها دهنت بطني وظهري ورجولي بزيت زيتون دافي مع حبه سودا الالم صار يزيد والطلوق صارت شبه منتظمه وكل ماحسيت بالطلقه قعدت ع كورة اليوغا مع اخذ نفس عميق لين تخف فضيعه يابنات مره مريحه للحوض ومعاي في يدي منقوع المره والحلتيت وبس اشم طول الوقت طبعا الحلتيت مابديت اشمها الا لما جت الطلوق القويه مالكم بالطويله يابنات قلت بنام شوي اريح جسمي قبل تجي ام المعارك بس انسدح تزيد الطلوق مافي مجال اقوم طيران ع كورة اليوغا والله زي السحر يابنات مو معقوله كيف تخفف الالم سبحان الله وخلاص طول الوقت عليها يمين شمال امام خلف والا انطط حوضي عليها خفيف اكتبوا باليوتيوب تمارين توسيع الحوض بكورة اليوغا كثير راح تستفيدون منها وخلاص الالم يزيد يزيد لين ماقدرت اوقف عرفتوا مرحلة الالم هذي اللي تتقرفصين غصب🤣 وكنت مجهزه قبل منقوع عصفر عشان روعة مابعد الولاده انا في كل نفاس يجيني اكتئاب نفاس ونصحوني فيه اشربه اول مااطلع من غرفة الولاده شربت كاسة مويه مذوب فيها عسل طبيعي وشوية زعفران واكلت 3 تمرات يالله قدرت ابلعهم🤢 صحيت زوجي الساعه 6 الصباح وانطلقنا ع المستشفى لما فحصوني قالت 6 سم الحمدالله بس قالت راس الجنين عالي 😩 بنعطيك حقنه شرجيه وقومي امشي ع اساس ينزل راسه>يسامحك يابنت قطامي لبست لبس المستشفى اللي مقفاك بحري🍑 مدري الوحده تبلش بالطلق والا فيه عطوني الحقنه وع طول ع الحمام وقمت امشي والالم غير محتمل بس قلت بتحمل ماراح ادخل الين 10 سم اكره سدحة السرير لما مايكون لك حول ولا قوة غير انك تتألمين وتصارخين ومدة الولاده تطول ع الاقل وانت واقفه وبعدين تتقرفصين وتاخذين نفس يخفف هالشي الالم ويسرع في فتح الرحم والجاذبيه الارضيه تقوم بعملها وفعلا مسكت نفسي قد مااقدر الين وصلت مرحلة الالم الصاروخي 🤸🏽‍♀️ ودخلت غرفة الولاده وسدحوني ع السرير الكريه واوبن يور ليقز ع الاخر وادفعيييييي قلت ماابغى شااااااااق لا تشقووووني طبعا الصراخ مع الطلقه ع حسب قوتها قالت الدكتوره هنعمل الماكسيموم😒 وطلعوا ثنتين من القابلات ع صدري يضغطونه عشان البيبي طالع ايي اقولهم مقدر اتنفس ياااناس قالوا لازم نسوي كذا عشان ينزل الراس للان مرتفع فوق😩 وشد وجذب وادفع ونزل ومن قوة الزحير طلع🤷🏻‍♀️💩 واناظر وجه الدكتوره مكشره😷 هو انا اللي أولتلك تحطيلي حقنة شرجيه لا سمح الله🌚 انا في البدايه احسبه البيبي طلع فرحت قلت يالله بهالسهوله ياربي😆💔 بس الحمدالله عقبها ماطولت يمكن ساعتين او اقل وطلع جنيني الخمدالله الحمدالله الله لا يحرم اي وحده تقرا من هاللحضه قولوا اميين طيب الحين بقولكم الحاجات اللي سهلت وسرعت عندي فتح الرحم : طبعا اول شي منقوع الحلتيت لما تتاكدين ان معاك طلق حقيقي خليه عند خشمك كورة اليوغا مفعولها زي السحر في تخفيف الالم وتوسيع الحوض والافضل تبدين فيها من بدري زيت المغنيسيوم ابخه يوميا ع اسفل البطن واسفل الظهر وباطن رجولي وقروا عن مفعول هالمعدن بالذات في تخفيف الام العضلات البقدونس ممتاز وطبعا التمر والعسل ع الريق والزنجبيل مع الزعفران والاناناس وزيت الزيتون والتقليل من منتجات الحليب معروف الكالسيوم يتعب شوي في الولاده والمشي يابنات المشي لا تتهاونون فيه ابدا عشان لا تتعبون في الولاده ولا تضطرون للقيصري المشي مايسرع الولاده ولكن يثبت راس الجنين في الحوض واخيرا واهم نقطه ساعدتني او تكون هي وبس اللي ساعدتني ♥️♥️♥️♥️ ايماني التام ويقيني بان ربي بيسهل ولادتي كانت تجيني افكار انو راح تكون ولاده عسره او بيحصل مضاعفات والتفكير الشيطاني اللي يخليك تيأسين من روح الله 🧟‍♀️ لكن مع المدوامه ع الاستغفار مالا يقل في اليوم عن 1000 مره وتسبيح وتهليل وصلاة ع النبي اللهم صلي وسلم عليه ابدا لا تقطعين ذكر الله عن لسانك واحسني الظن بربك توقعي الافضل وحيجيك باذن الله وسلامتكم ويارب السهاله للحوامل ونعيما للامهات وعقبال كل من ارادت الحمل لا يحرمها ربي♥️