الحمدلله ولدت بالسلامه بقولكم وش صار معي من البدايه انا تو بالاسبوع ٣١يعني بداية الثامن نزل علي دم قطع كبيره وسويت رساله بتطبيق اسعفني ارسلولي التصريح وانطلقت هذا الكلام مع صلاة الفجر ورحت المستشفى قالولي توئم ويعتبر ولاده مبكره مانستقبلك راح نحولك ع مستشفى خاص طبعا رسلو فاكس ورفضوني لان عندي تامين كانو بيولدوني ع حساب الحكومه وحنا لان اوضاعنا مكركبه عشان الكورونا زوجي ماينزله راتب يعني راح يضيق حالنا لو ادخل خاص قمت قلتلهم مقدر خاص ابي هنا ووافقو بس عطوني مغنيسيوم عشان ياخر الطلق والولاده طبعا اول مارحت الرحم ٣سانتي وشيكو ع الاجنه راسهم فوق يعني قيصري مافيها كلام المهم صوموني يوم كامل بعدين غيرو رايهم لان مافي مجال الحظانه وافطرت واليوم جا الدكتور قالي اذا مافيك الم احتمال بالليل نولدك طبيعي وسمح لي بالاكل يوم اكلت قام يجيني طلق قوي ورحت كلمت الممرضه الا قالت الرحم مفتوح ٥سانتي الحين غرفة العمليات وانا خايفه وابكي واذكر الله والدكتوره طيبه وحنونه قالتلي لاتخافي ماراح تحسي بشي ابرة الظهر والقسطره اللي كنت خايفه منهم الم بسيط وبالولاده اقولهم شقيتو بطني يقولولي لا لاني فعليا ماحسيت بشي وطلعوا التوئم ولكن اوزانهم قليله حطوهم بالعنايه وبسس اشكر كل من دعى لي بالمواضيع السابقه ومع السلامه