السلام عليكم.. عذرا على ردي المتاخر بس كنت اشوي تعبانه.. قصة ولادتي كانو محددين لي عملية في تاريخ 29 سبتمبر يوم السبت لان دكتورتي بتسافر وماراح ترجع الا بعد شهرين ولان وحدة من التوأم مانزل راسها .. لكن امي من خوفها علي اصرت الا تبي اولد طبيعي منعتني الروح لمن يجي لي الطلق.. جاء وقت العمليه المحدد وانا مارحت اتصلو علي المستشفى من الساعه 7 الصباح لان ساعة عمليتي 8 الصباح لكن مارديت عليهم حطيت جوالي صامت وكملت نوم.. جلست الظهر وبطني مغصني في اسهال اكثر من مره اروح دورة المياه رجعت كملت نوم لاني من دخلت التاسع وانا كله ابقي انام وصحيت على الساعه 9:30 الليل وكنت اسولف في قروب صديقاتي رجع جاني مغص واسهال كتبت عن اذنكم بروح دورة المياه.. ودخلت فجأة حسيت بشي دافي ينزل اول شي خفيف وبعدين زاد اكثر طلعت ورحت لأمي كانت تسوي العشاء يمه ينزل مني ماي.. امي قالت هذي اعراض الولاده قلت لها ماما كيف ينزل الماي ومافيه طلق بس الم دورة خفيف جدا محتمل قالت امي قبل لانروح المستشفى تعشي لان ماراح يخلونك تاكلين والله وطول ما انا اتعشى والماي ينزل حطيت لي في الكلوت منشفه صغيره حقت الجسم عشان تمتص الماي واكلنا ورحنا المستشفى على الساعه 10:30 ودخولي الطوارئ وشافوني غرقانه ماي على طول سجلوني تنويم.. حطوني في غرفة الولاده شافو في طلق و الماي كله نزل لكن الرحم مسكر سوت سونار شافت وحده من الاجنه صايرة بشكل عرضي.. قالو مانقدر ننتظر الطلق يجي لان الماي نازل واحتمال ينزل الحبل السري ومانبي تغامر وتأخر و حطولي التخطيط شافو وحده منهم قل النبض عندها وخافو قالو متى اخر مره اكلتي قلت لهم 10:30 المهم قال الدكتور شنو اكلتي قلت له جمبري قال لا ماراح ينفع ماراح تتبنجين وراح نولدك ببنج نصفي ولو ما استجاب راح نضربك بنج ثانيه لمن تتبنجين ومانقدر ننتظر اكثر مانبي نخسر احد.. الحمدلله استجاب البنج من اول مره طبعا شعور يخوف في غرفة العمليات لكن راح الخوف لمن سمعت صوت بناتي لمن طلعوهم من بطني لكن خفت يوم شفت الدكاتره ينظفونهم بسرعه واختفو من غرفة العمليات خلصو عمليتي وانا قلبي ع بناتي .. يوم جاء الصباح يلغوني حطوهم في العناية يدعمونهم بالاوكسجين انا هنا زاد خوفي ومرو يومين وانا مو شايفتهم وقلت مقدر ودوني اشوف بناتي والحمدلله واققو نزلت انا وزوجي وذاب قلبي يوم شفت الاجهزه عليهم و ابر المغذي في يدهم ورجولهم قعدت ادعي لهم يطلعون بالسلامه والحمد لله يوم ثالث طلعتو من العنايه تحسنت حالتهم وطعلو معاي من المستشفى ..الحمدلله على هالنعمه والله يعطي كل محروم