قصصصصه ولادتي.. طبعا انا اكثر واحده كانت خايفه من الولاده المهم بحكيلكم😣. انا من دخلت التاسع كنت امشي كل يوم لحد يوم الثلاثاء الاسبوع اللي فات مشيت وحسيت نفسي اتعب ف المشي من الثقل الزايد يعني غير عن الايام اللي قبل رجعت البيت هلكانه 😖 صباح الاربعاء كان فيني نشاط غير طبيعي قمت نظفت البيت كامل ع الساعه 10قلت بنام فجاه حسيت بمغص بس كان خفيف زي حق الدوره ماهتميت حاولت انام ماقدرت استمر المغص معاي لين الساعه12 ظهر بس زاد شوي قلت ل زوجي قال لي احسبي الوقت حسبت كان منتظم كل نص ساعه امي يومها كانت معاي بالبيت رحت وقلت لها قالت لي تعالي ابخرك المهم بخرتني بالطلح السوداني لو تعرفوه حسيت جسمي كله سخن من البخور المهم لين الساعه 3 العصر هنا بدا الطلق الحقيقي😫 صار المغص قوي عندنا دكتوره جارتنا وفي نفس الوقت صديقتي دقيت عليها وجات عندي قالت لي في شي نزل منك قلت لها لا قالت يمكن عندك تعديل ولا شي المهم قالت لي بروح اذا نزل شي دقي علي بعدها زوجي قال لي قومي تحممي قمت تحممت بمويه دافيه من شعري لين رجولي ارتحت شوي الا وزاد المغص وعلى طول نزلت السداده ووراها المويه دقينا ع الدكتوره صديقتي وجات بسرعه وقالت يلا ع المستشفى بسرعه طلعنا المستشفى لما وصلت قاست لي الرحم لقته فاتح 5 سم ودخلتني غرفه الولاده وانا جالسه اقول ف نفسي كيف اتحمل المغص الاقوى عاد بكريه م اعرف مدى الالم المهم ركبت لي الفراشه ف يدي انا هنا قلت عاد هذا الطلق الصناعي ع حسب خوفي منه😅 قلت لها لا م ابغى طلق صناعي ضحكت الممرضه وقالت لا انتي م تحتاجين طلق قلت لها احلفي انه مو طلق وهي المسكينه تحلف😆 دخلت معاي صديقتي الدكتوره غرفه الولاده وتضحك علي عشان سالفه الطلق المهم والله ي بنات م جلست عشر دقايق الا والرحم فتح 7 واحس بنفسي جالسه ادفع تقولي لاتدفعي الا اقول لك بس مو بكيفي يجيني غصب الدفع شوي وفحصت قالت فتح9 ووراه 10 ع طول الراس يبي يطلع وانا طبعا م وقفت دفع دخلت وقتها الدكتوره وقالت ادفعي اقوى ودفعت دفعه قويه والحمد لله طلع البيبي ع طول وحسيت بذيك الراحه القوووويه وربي رزقني بولد الحمد لله بس وزنه صغير 2600وصديقتي والله م قصرت الله يعطيها الف عافيه .. وعقبالكم جميعا اسفه طولت بس حبيت احكي لكم من فرحتي .. والحمد لله ولادتي كانت عكس خوفي تساهيل من رب العالمين..🤗