ولادتي ( بكريه ) - حاسبة الحمل

العضوة: 41125 , 8 years ago

ررفع ان شاءالله تكون ايجابيه انا ولادتي ف ذي اليومين

العضوة: 41783 , 8 years ago

يلا كتبتها لكم بالتفصيل واي سؤال حاظره 💋

كيفكم كروشات بحكي تجربة ولادتي للي كانو مثلي يدورون اي شي للولاده 😂 بحكم اني بكريه واول تجربة لي انا من حوامل 13 نوڤمبو كنت اقراء كثير هنا والتجارب تختلف ، انا خلصت شهري التاسع وكانو كاتبين لي تنويم يوم الاثنين من خلاله يسوون لي تحريض وطلق وممكن بالاخير تكون عمليه .. المهم .. انا ساكنه بالدور الثالث والحمدلله هالشي كان لصالحي اكون مجبوره على طلوعه ونزوله عشان ما اتكيسل ، اخر اسبوع من التاسع كنت اروح بعد صلاه الفجر للمشى اخذ فيه نص ساعه الى 45 دقيقه طبعا المشي يكون بالبدايه بطئ ثم لازم تسرعين حتى ماتشد العضلات فجاءه ويجيك شد وتتعبين ،، كلام الدكتور لي لازم المشي سريع او اقعدي ببيتكم 😂 وكمان كنت اكل كثير معمول تمر بحكم اني ماحب اكل التمر كذا .. واستمريت حتى وصلت الى ليلة الاحد وانا يأست وتوكلت على الله انو مافي بوادر ولاده وبروح على موعدي وقبل انام شغلت سخانة الحمام لليوم الثاني .. صحيت يوم الاحد وافطرت ثم تحممت بمويه ساخنه وركزت المويه على اخر ظهري وبطني و اول ما طلعت من الشاور بديت احس بكويه ساخنه تنزل مني قليله مره قلت يمكن يتهيأ لي وعشان الشاور له دخل وجففت نفسي وعلى نفس الحال تنزل نقط مويه شفافه وحاره ( خفت بصراحه ) شي اجهله واول مره اتعايش معه ، اتصلت على زوجي وقلت له يجيب اناناس ( تشهويته فجاءه ) 🌚، سويت الغدا واكلت ثم علمته عن المويه وقلت له يعتذر عن دوامه حتى يكون مرابط معي بالبيت 😂😂 لبست فوطه حتى ما اجلس ابلل مفسي وكل شوي تمتلي هنا تاكدت انها بوادر ولاده ورحت اشطب البيت واسكر الشنط واتزين 💁🏻 ثم نزلت السداده على المغرب كذا بس موية الجنين لازالت تنزل قليل مره مانزلت كثير زي ماكنت اقرا عند البعض وبديت احس بمغص زي الدوره يجي ويروح قلت شكل هذا الطلق اللي يقولون انتظرت وصليت العشاء بالبيت ومن ثم تعشيت وبعدها بدت تزيد المسافه بين الطلقه والثانيه كل ربع ساعه تقريباً هنا خفت وقلت خلاص لازم اروح وخفت على جنيني للان المويه تنزل بشكل متقطع .. رحت الطوارئ مستشفى حكومي .. انتظرت فيه قرابة نص ساعه بعدها كشفو علي قالو مفتوح الرحم 1 سم وهي ماقصرت خذت لها لفه بالداخل وسعته لي قالت خلاص صار 2 ونص الحين انتظري بالطوارئ وامشي كثير لين يفتح 4 وندخلك غرفة الولاده ..

العضوة: 41783 , 8 years ago

كنت امشي بالممر واذا تعبت شغلت لي لعبة العب فيها اشغل نفسي عن الالم شوي بعدها الطلق انتظم صار كل خمس دقايق بالضبط وزادت شدة الالم اذا جتني الطلقه اتشنج مقدر اتكلم ولا اتحرك كنت اقولهم انو خلاص اشتد الالم عندي ايش يردون علي القابلات ( انتي بكرياااه مافي ولااااداه الحين ) ومافي سرير فاضي ،، هنا انا بديت امثل شوي واسوي نفسي ابكي من الالم 😂 دخلوني الكشف مره ثانيه قالت اووه صار 5 سم يلا بكلم التنويم ولاده 🤷🏼‍♀️ وفعلا دخلت غرفه الولاده ماعاد تحملت من الالم وقت الطلقه ويقولون خذي نفس بس ، ، قلت لهم ابي ابرة ظهر ويقولوت كلمنا الاستشاري جاي الحين .. طبعاً يكذبون علي تخيلو وكل مازاد الالم صرخت وقلت بسرعه ابي الابره وتروح وحده وتجي تقول الحين يجي 🙃💔 هنا وصلت للولاده خلاص مع اذان الفجر الحمدلله واصرخ يااااا رب ودعيت بالاول لين اجتمعو علي قابلتين يولدوني ووقت الطلقه يقولون دفي وادف وانا ادف اصرخ صاو لي موقفين اضحك على نفسي الحين 😂😂 الاول كنت اقولهم ( I can't ) ويردون علي الا ( يو كانت ) واقول اعطوني بنج يقولون فيه بنج حطينا ( يكذبون بعد )🌚💔 حاولو معي 6 مرات ما قدرت اولد بعدها جت الدكتوره و قالت خلاص لازم تقصون شوي عشان نبض الجنين ما يضعف واتحول لعمليه وقصو بدون اي بنج للان حسيت وقتها فيه ،، وقت الدف اصرخ ويقولون لاتصيحين اقولهم ( لازم اصيح لازم واطق بيدي على صدري انو هنا الالم بقلبي يعني ) ويضحكون وهذا الموقف الثاني يعني بعد القص من ثالث مره ادفع خرج راس بنيتي وفعلا الحمدلله مجرد خروج الراس كل شي يروح ماتحسين فيه من الم الطلق والم الدفع وكل شي راح واخذت بنيتي على صدري اضمها وخذوها ينظفونها ويكملون البيانات لين جاء دكتور الخياطه والحمدلله بنج لي المنطقه كامل وخيطها لي واللهم لك الحمد .. ولادتي كامله تمت بدون اي بنج ولله الحمد والمنّه على التمام .. عذراً على الاطاله