السلام عليكم بكلمكم اليوم عن موضوع المشد بعد الولادة انا بكرية ووالدة لي شهرين المهم وقت الحمل ابدا ماجاء ببالي اني راح اتغير 180 درجة زاد وزني 20 كيلو مع ان اكلي هوا هوا ماتغير لكن بسبب المويا وقت الاكل وهذا اكبر غلط لازم اقل شي قبلها بنص ساعه وبعدها كمان بنص ساعه هذا شي والشي الثاني لاني اكل وانام ع طول وذا برضه غلط كبير وماامشي بعد !!حتى لو ربع ساعه هذي النقطة الاولى والنقطة الثانية بطنييييي ومادراكم ماذا حدث بها!! خالتي الله يسعدها من اول الحمل وتقولي حطي زيت زيتون ببطنك وصدرك وعضدك وفخذك مايخلي لك خط واحد!!لكن لاحياة لمن تنادي تكبرت على زيت الزيتون يييع ريحته ومادري ايش وبالنهاية بطن تفجع وجسم مرهل وحالتي حالة ولا لما كنت بالشهر السابع قريت كؤيم قود باي سولوليت يقولون مرة ممتاز ب3اسابيع يبدا مفعوله بالظهور واعتمدت قلت خلاص ماني مدهنه وبعدين اقضي عليه مرة وحده لكن للاسف من كثر الحفريات ماعرف الكريم يسد ذا والا ذا 😂 صح انه اعطى نتيجه قليله بس مقبولة جدا بالنسبة للحفر الي عندي وانا اقول حفر لانها كانها جد حفر ماهي ترهل وكان عندي كريم زبدة الكاكاو بس للاسف مابحالي والحين ندمانه .... خلاص قلت لكم اخطائي وببدا بالموضوع الاساسي الي هو المشد بعد ماولدت بيومين جبت شماغ ع حسب ماقريت بقوقل وربطت نفسي وحسيت البطن اربطها من تحت تطلع فوق 😅 وظليت عالحال اسبوع واحس رحمي يعورني وساكته ثم امي قرت في قوقل ان الحريم يحطون 3 اشمغه😅واروح واحط 3 اشمغه 10 ايام وبطني الممم فضيع مقدر اتحمل رحت نزلت الشماغ وجلست مهوية كيذا😁 الين جاتنا وحده هي مسوية كذا عملية قيصرية وبطنها ماشاءالله تبارك الله لا قوة الا بالله ممسووووحه وانا طبيعي كاني استغفر الله بس المهم واقعد احلل اكيد لابسه مشد ..طيب انا اسمع الحريم يقولون المشد يرهل البطن غريبة .. واروح اشتري مشد بعد ماخلصت شهر من الولادة والبطن قدها قست لان البطن اول الولادة لييينه تقدرين تشكلينها زي ماتبين .. المهم لبست المشد وماشاءالله خفت الكرش كنت كاني بالسابع الحين كاني بالخامس بس وقفت المشد المشبك لانه فيه حديده تعورني وطلبت طلبية من الانستقرام مشد كامل عشان ماتعورني الحديدة .. وان شاءالله مع الرياضة يزبط الوضع .. خخلاصة الكلام 1 دهنو جسمكم 3 او 4 مرات باليوم او اكثر يكون احسن 2 اذا ولدتي طبيعي البسي المشد بعد اسبوع لان الرحم لسى مارجع مكانه ولاتشدينه بقوة مثلي بالشماغ ..شديه مع الوقت شوي شوي 3 اذا ولدتي قيصري ع حسب ماقريت تلبسين المشد بعد 10 ايام 4 بعد الولادة اشربي قشر قهوة مع قرفه مع كمون مع كراويه مع يانسون سويه بتلاجه او كوب وخليه نص ساعه ثم اشربي طول اليوم يزيل الكرش باذن الله 5 العسل مع زنجبيل مطحون على السره يفش الكرش تخف كثير حطيها وحطي عليها منديل والبسي ملابسك عادي 6 زنجبيل ونعناع مغربي تسوينها بتلاجه وتشربينها لكن الي قريت انك اذا ترضعين مايصلح تاخذين لازنجبيل ولاكركم ماعرف السبب ليه بس اتوقع يجف الحليب اتووقع تحتها مية الف خط احمر 7 خلطه مشهورة جدا في العالم العربي والغربي كمان بس انا اسميها خلطة نون تشيل البطن نهائي بشهر باذن الله وهي ملعقه كمون ملعقه يانسون وليمون بكوب وتصبين ماء مغلي عليها وتحطينها بالتلاجه للصبح وتشربينها عالرييق قمييله جددا سميتها نون عشان مكوناتها تنتهي بحرف النون وعشان مانساها 😂 8طريقة وحده ارسلتها لي تشيل الخطوط باسبوعين باذن الله ماجربتها بس الله كريم ان شاءالله اجربها وهي بالصورة بس يقولون القهوة التركية افضل يلا قلت لكم كل الي عندي من اخطاء وارشادات والي عندها شي تضيفه خل تضيفه والي ماعندها تسوي رفع عشان يستفيد اكبر عدد ممكن من البنات ولايطيحون مثل طيحتي لاني مارطبت بس اذا رطبت ترجع البطن طبيعي زي ماكانت بدون خلطات وبلاوي وحتى لو رطبتي بطنك الافضل تعتمدين الاشياء الي كتبتها عشان لو نطت لك بطن صغينونه تقدرين تردينها 😉