الحمدلله ولدت امس بعد الفجر اللهم لك الحمد يوم كامل وانا يجيني الم الطلق من الصباح وانا احس كان خفيف ومتباعد جلست بالبيت قلت مابروح المستشفى غير لما يزيد الالم وماقدر اتحمله او تنزل المويه جات الساعه ٣ بالليل ونزلت شويا مويه خفيفه وخيط دم واطلع بسرعه من الحمام واغير ملابسي وقلت لزوجي يلا ع المستشفى مشكلتي متحمله هذا كله عشان ولدي موقادره اتركه كل لما يروح الالم اسوي له شي اغير ملابسه اغير حفوضته واخر شي وانا طالعه جالسه اسوي له رضاعه من كثر الالم استفرغت المهم ورحت المستشفى وكشفت علي الدكتوره قالت ٣ سم مرا انقهرت هذا كلو وبالاخير بس ٣ كنت برجع البيت بعدين قلت خليني جالسه ع الاقل اتالم براحتي المهم طلعتني فوق ع غرفة قبل الولاده والالم صار يزيد والطلق صار قريب لين لما صار الالم الطلق ورا بعض شربت مويه وبعدها دخلت الحمام واحس شي يدفع على تحت ماقدرت اتحمل ولا قادره اجلس ومن يوم مازاد الالم وانا امشي امشي ماجلست اخر شي صرت اصرخ ع الدكتوره وين الحقوني بولد جات الدكتوره لقتني ٧ ونص ويدخلو فيا ع غرفة الولاده الساعه ٧ الصباح وانا موقادره اتحمل والبيبي بتطلع خلاص وللاسف احتجت شق مرا ثانيه وطلعت بنتي الحمدلله واخيرا ولدت وارتحت بس منجد تعبت مرا ببنتي هذي اكثر من ولادتي الاولى 😭