الحمدلله الذي تتم بنعمته الصالحات ، قبل اسبوع و يومين رحت للمستشفى و قلت لدكتورتي أبي أولد خلاص تعبت مع العلم إني بكريه 🙊 شافت الرحم قالت مفتوح ١ سانتي .. قالت راح أبلش معاج بتحميله كل ست ساعات لو فتح الرحم ليما ٣ أو ٤ سانتي راح أحطلج طلق صناعي عن طريق الوريد .. ظبطت أوراقي و سجلت دخول للمستشفى ، الساعه ٦.٣٠ المغرب حطت لي التحميله الأولى بدت العوارات بعد خمس ساعات كان الألم محتمل جت شافت التخطيط قالت الطلق بدا ينتظم ماراح أحط لج التحميله الثانيه لأن الرحم بدا يفتح زاد نص سانتي بنصبر عليج ساعتين أو ثلاث لو ما فتح أكثر احطلج التحميله الثانيه و قالت لي لو زاد الألم و ما قدرتي تتحملين كلمي السسترات عشان أنزلج غرفة الولاده و احط لج كمام ،، بس طلعت الدكتوره بربع ساعه مت من الألم لدرجه صرت أعض البطانيه و أمي تقولي تو الناس للحين ما بدا الجد 😭😭😭 ناديت السسترات و قلت لهم نزلوني أبي كمااام و ينزلوني عالساعه ٢ الفجر و يحطون كمام لي ضعت صرت بعالم ثاني 😂 جت الدكتوره بعد ساعتين سافت الرحم مفتوح ٢ سانتي و سعت لي صايحت من الألم قالت ماراح يتفع لو ما وسعت و أصيح و ينزل دم و أقولهم أبي أكلم زوجي الحمدلله بغرفة الولاده كان في تلفون يمي أي أحد أبي أكلمه أخذ التلفون و أكلمه و أدق على زوجي و أطمنه علي للحين ما بدت فضايح الكمام 🤣 جتني الدكتوره و فتحت ماي البيبي قالت لي مفتوح ٤ راح يزيد بعد ما فتحت الماي بعدها عالساعه ٦ الصبح دخلوا أم زوجي علي تطمنت علي ورقتني وراحت أخذت التلفون و قمت أدق على زوجي كان قاعد بالغرفه مع أمي و أمه قلت له كنت أتحلم فيك و أقعد أبجي و يهديني حبيبي 😭 أنا ما أدري إني قاعده أكلمهم عبالي حلم 😭 و جت الدكتوره فحصتني عالساعه ١٠ قالت ٦ سانتي قلت دكتوره خلاص الله يخليج أبي أبرة الظهر و أدق على أمي و زوجي أقولهم وقعوا عليها و قعوا عليها و جا دكتور التخدير و عطاني أبرة الظهر و الحمدلله بعدها قعدت أدعي للدكتور قلت له بيض الله وجهك جزاك الله خير الحمدلله أختفى الألم و صحصحت بس جسمي من تحت ميت مخدر ما أحس فيه ولا أحركه و الساعه ١٢ جت الدكتوره قالت ٩ ونص مفتوح و الراس قريب حيل قلت الحمدلله راحت و جعت لي بعد ساعه و معاها سيترات ثنتين قالت لما أقولج ادفعي أدفعي قلت لها دكتوره شلون أدفع و أنا ما أحس بجسمي قالت عادي أكتمي نفسج و جيبي راسج علي و ادفي قلت إن شاءالله تراقب التخطيط لما جت الطلقه الأولى و أكتم و أدفع قالت ريحي ليما الطلقه الجايه و ثواني و الطلقه الثانيه و أدفع و الثالثه و أدفع و طلعت بنتي حبيبتي الحمدلله بعد تأخر سنتين تقريباً من بدا الألم ليما ولدت ١٢ ساعه لأني بكريه الحمدلله على كل حال الله يجعلها من الذريه الصالحه و يرزق كل محروم و يهون على كل حامل يارب 😭💖