مرحبا بنات الحمدلله ولدت بتاريخ ٢٥ -٧ واجت بنوتي على هالدنيا قصة ولادتي اني كنت من نص التامن تجيني تقلصات شديدة وصار عندي الم بالحوض لدرجة ما اقدر اتقلب بالفراش ولا اقوم او اقعد او أمشي ألم شديد بأول التاسع الدكتور فحص كان الرحم مسكر ووالبنت مش نازلة بالحوض راسها لتحت بس جاية بجنب على الحوض وهاد مسببلي الألم، قلي الدكتور اراجعه بعد ١٢ يوم وهيك بكون وصلت نص التاسع لحتى يشوف ادا في تقدم او لأ، طبعا انا بهاي الفترة ما خليت رياضة ورقص وتمر وأناناس ومشي وطلوع الدرج وجماع وحمام مي ساخنة وروحت ع الدكتور ع الموعد وشوو مبسوطة بفكر هلأ راح يحكيلي انه خلص استقرت بالحوض، وللأسف فحصني وقلي عنق الرحم سميك كتير والبنت متل ما هي ما تحركت، اقترح علي اولد بطلق صناعي او استنى كمان اسبوع لاخلص التاسع وقلي بحالتي صعب تغير مكانها وخاصة انه وزنها عم بزيد وانه تبقى اكتر بعرضني لولادة قيصرية عشان وزنها، فتوكلت على الله ووافقت اولد نيجي ليوم الولادة كنت متفقة مع الدكتور على ابرة ظهر، قلي لازم بهد ما يفتح الرحم ٤ سم، دخلت المستشفى ٣ الظهر وبدا معي اجراءات الولادة فحص وتوسيع يدوي واعطاني تحميلة للطلق، وبدأت التقلصات تزييد وتزيد وكل ساعة يعملي توسيع للساعة ٧ نزلت مية الجنين وحكالي كمان ساعة راح باخد ابرة الظهر وكان لسة موسعة ٤ سم لكن عنق الرحم سميك، دخلت غرفة الولادة ٨ المغرب واجا دكتور التخدير ركبلي الابرة واعطاني اول جرعة في الظهر حشيت بتنميل برجلي وخدلو حكالي انه عادي وبعد نص ساعة راح يروح وبقدر امشي، التخدير غريب كنت بشعر لما حد يمسكني ولكن ما في احساس بالالم، واعطاني ابرة لتوسيع وتلين عنق الرحم، فصرت بحس لما البطن يحزق انه هاي طلقة ولكن ما في الم وقتها الدكتور الولادة ودكتور التخدير حكولي حطي في بالك ممكن تضلي للفجر لانك بكرية، وكنت نعسانة كتييبر ومع التخدير صرت بغفي شوي، ما حسيت بالوقت نهائي فجأة الساعة ١٠ حسيت بشي بدفع من تحت بين رجلي ناديت امي وقلتها نادي الدكتور، اجا الدكتور ومش متوقع انه يلاقيني ولادة، فحص لقاني موسعة كامل نادى الحكيمة معه والمساعدة وطلبت من دكتور التخدير يزود الجرعة لاني بدات احس بوجع، الدفع كان قوي، الدكتور قلي انه ما في حاجة ادفع البنت بتدفع لحالها وبرضو كتت بغفي فجأة صحيت على شعور غريب، حكيت شووو هااد في اشي، حكالي خلصنا خلصنا وطلعت البنت وحطوها ع صدري الله لا يحرم حد هالشعور ٤ سنوات وانا بستنى فيها 😍😍😍 ماريا حبيبة قلبي نسيت احكيلكم انه الدكتور عدل وضعيتها يدوي خلال الطلق، وبدأ الدكتور التنظيف والخياطة تغرزت خفيف للعلم ولدت في مستشفى أهلي ودكتوري الي كنت بتابع عنده في عيادته ولكن اخدت غرفة خاصة كبيرة وبدخل فيها على غرفة ولادة خاصة فينا برضو، كلفتني الولادة كلها تقريبا ٥٠٠$ ولكن كله يهون لاني لو روحت حكومي كان حولوني قيصيري لانه وضعية الجنين غلط